老馮茶居 (荃灣千色匯II)

點心夠熱，味道亦正常OK，但員工態度趕客。我哋二人打算快快食完就走，全程只係坐咗40分鐘，其間員工不停走埋黎收碗收碟收蒸籠，剛剛夾起最後一粒燒賣就極速收走蒸籠。未食完既蒸飯又幾次走埋黎，問都唔問就落手想拎走。食埋最後一啖飯，秒速收埋你碗筷，想飲多啖茶就走，佢就想連我隻杯都收埋。唔會再去幫襯！！隔離有枱3人客，剛食完一陣，就被收晒枱面既野，連茶壺都收埋，唔俾客人再斟茶坐多一陣，不停俾說話趕客走，人地怕鬼左，立即起身埋單走人。