莊館 (已結業)

黎過幾次先發現原來無寫過食評。介紹我覺得好食既餸先:口水做法既和牛面肉:口水汁惹味，西瓜夾住和牛面肉一齊食，西瓜既清爽即時中和左口水汁既辣勁。好味！有次試過4個人要叫兩碟先夠過癮。麻辣脆牛筋:牛筋本身炆到淋身入味，再拎去炸，外脆內軟，口感一流！推薦！鬼馬咕嚕肉：風亁菠蘿片，油炸鬼脆片，配埋啲肉酸甜開胃，正！黑磚豆腐：外面個殻好香脆，裡面豆腐好軟滑，調味啱啱好！蒜香虎蝦：虎蝦彈牙，開邊燒到好香，上面係有蒜香既香草醬，連殻都吮埋。其他叉燒，燒味嗰啲大把人介紹過，就唔多講了。