莊館 (已結業)

烏龍桂花茶燻脆皮雞一打開蓋，意想不到的花香茶味濃濃滲出，雞件嫩滑全去骨，外皮脆薄，值得一試。黑磚豆腐外層竹炭粉炸至脆口，炸蒜連同豆腐一同入口，一脆一滑感覺很特別。澳洲和牛义燒首次嘗試非豬肉製的义燒，和牛肉味濃，質感跟义燒一樣有驚喜😋膏蟹銀絲煲粉絲沾滿了蟹皇味，只是稍微乾了一點點昆布椰皇燉鮑魚用料充足味道濃，真想多吃幾碗滋補養顏餐廳以昏暗燈光為主調，全店裝修型格廁所更是特色位之一，與朋友歡聚確是一流之選。實至名歸的驚喜Fusion菜😋

今日約左朋友去銅鑼灣食飯，佢中意食中菜，咁岩search到間係利園3期既中菜就去試下啦😋餐廳係入商場轉左既basement,第一次行入去我miss左見唔到😂但一入到去就覺得好靚，係有少少摩洛哥風格。入到去會見到有2個area,一邊係吧台一邊係座位。原來呢度有happy hour時段，就算唔係食dinner都可以係度飲下酒chill下🤣食物方面：呢道牛臉頰肉好好食，中間係夾住幾件西瓜，每次就一片肉加一片西瓜咁食。但個辣汁係最精華既部分，朋友中意到想用個汁黎送飯😂❤️❤️❤️❤️❤️好欣賞呢個煙薰蛋既碟，襯哂個主題🤣中間蛋黃變左個啫喱又有d似皮蛋既texture，好得意😛👍🏻呢個黑松露炒飯就有少少咸左d黑磚豆腐都係呢間餐廳推介菜之一，外面係咸咸地脆皮入面就係豆腐😋好惹味棉花泡飯，湯既味道相對較清甜，不過表面蒜粒太多，蓋左少少個清湯味。甜品就相對無小菜咁多花款fusion, 我就揀左個蜜瓜玉露，蜜瓜肉比較少，但都好好味😌我認為小菜比主菜較岀色同埋獨特風格好強😊無論味道同擺盤👍🏻👍🏻唯一唔滿意地方係部分侍應較為未注意我地未食完就想快d收走我地隻碟。

莊館是中環卅二公館的姊妹店。是走年輕路線的餐廳。閒時和朋友可以來一個happy hour也不錯。餐廳裝修至食物都突顯出比人感覺有中西合璧的特色，華麗而有時代感，菜式以粵菜及川菜為主。黑磚豆腐外層沾了竹炭粉再炸至脆口，加上面頭的黃金炸蒜。每件細細件的黑磚豆腐咬落去內裏豆腐軟滑，特別而且有創意的味道。棉花泡飯是用了芫荽濃魚湯，充滿了芫荽香。 棉花般的魚腐和泡飯，加上脆米味道不錯。黑豚肉叉燒味道中規中矩火燒桂花魚 水煮桂花魚是四川直送新鮮辣椒同香料，上枱時仲會加少少冧酒點火很吸精，而且也帶出陣陣麻辣香氣。桂花魚肉好鮮嫩，粉皮煙韌彈牙，辣度適中越食越惹味。烏龍桂花茶燻脆皮雞送上枱後打開蓋，飄來陣陣煙燻香氣，整隻雞的骨以拆掉，食落口非常方便，雞皮非常脆薄，雞肉柔嫩美味可口。

同朋友嚟食生日飯，心思思左好耐。第一係睇中佢環境靚，第二係上網見啲嘢食幾靚。訂咗位8:30 ，佢都唔算多人。佢有$600幾蚊嘅二人套餐。頭盤至甜品，都算幾抵食。仲有幾款可以選擇。但係我同朋友都想試唔同嘅所以最後冇選擇到。上網見佢個慢煮牛面頰好吸引就叫咗一個。佢係夾住西瓜，辣辣甜甜咁咁幾好食，不過就爭小小牛味花雕蛋，酒味好濃，仲要係糖心蛋。出奇地好食，不過如果唔鍾意酒味嘅就可能嫌佢太濃陳皮咕嚕肉，呢個真係冇得輸雖然好似家常小菜但佢嘅肉非常嫩，陳皮好香一啲都唔苦。真係要叫！鮑魚椰皇雞燉湯！椰皇非常之甜！佢係連南北行都入口即溶即係證明佢燉左好耐！相比起其他餸菜片皮鴨冇咁出色比較一般，但係現場即烤，所以比較需時最好前一日預訂。現場order 大概要等一個鐘

💁🏼‍♀️新派摩登中菜 睇得又食得！上網睇到呢間中菜好多好評 一於就嚟試吓☺️🌟慢煮口水和牛面頰 $150必叫既前菜！和牛同西瓜出奇地夾🤪西瓜既甜味中和左口水既麻辣 好開胃👍🏻*🌟泡椒聖子 $160花雕滷水燻蛋 $95泡椒唔會好辣 但蟶子既鮮味就唔太明顯😕 燻蛋唔係好夠香 但花雕味都幾出 算係幾特別😗*🌟草飼安格斯牛肋骨叉燒 $480必叫之選！叉燒十分軟腍 肉味濃 再加上蜜糖等燒烤醬 十分惹味🤤 旁邊仲有爽脆既青蘿蔔中和油膩*🌟宮保蝦球 $255蝦球大大隻兼爽口彈牙 食得出既新鮮🤗酸甜醬汁都好出色 加上辣辣地 味道層次豐富👍🏻*🌟棉花泡飯 $285一舊舊棉花應該係蛋白黎 再加上芫荽 炸米及魚湯 頗有打冷鋪蠔仔粥既風味😂*🌟魚湯花膠津白 $185個花膠發得唔好有啲腥😖但魚湯濃郁好飲 冇花膠應該會好食啲🤣總括來講都唔錯 但環境較昏暗及安靜 冇傳統中菜餐廳咁嘈😂 可以好好享用食物👍🏻

朋友介紹左呢間餐廳。聽咗好幾次，終於去試吓。首先個裝修好靚好特別。中式得來又有西式，好似講咗等於冇講。簡單黎講裝修都好fusion.粉紅皮蝦餃🦐🥟-蝦餃一籠三粒， 每粒上仲有啲玫瑰乾花做裝飾。外觀👍🏻👍🏻👍🏻 蝦餃爽脆，唔會好粉，食落都好新鮮，值得排叫黎試。風乾牛肉-呢個係signature，本身諗緊叫唔叫因為覺得好似唔係好抵，又覺得好似好細份。但最終都叫咗係有驚喜。首先呢個菜真係好似藝術品，一上枱真係話咗聲。第二，風乾牛肉真係唔錯，唔會好乾珍珍。第三其實食落，真係都好多舊。為返個價錢都OK嘅。呢個我都會建議食。熏雞-呢個熏雞我強烈推薦。佢個煙熏味係好出。一食落去，雞肉係好充斥着煙熏味，好香。塊雞皮勁正。再加上佢嘅雞，唔會好肥，令到溜。very goodddd!叉燒-好怕食到啲叉燒係得個甜味，同硬骨。呢個叉燒，咬落去爽中帶林，唔似食緊醬油，肥瘦適中。正呀。建議大家試粉絲蟹子蟹蓋煲-呢個都唔錯，但對比其他我就覺得冇乜特別。如果大家唔食芫荽蔥記得叫佢走。

之前係網上睇到呢間係銅鑼灣嘅網紅中菜，一直好有興趣，今日終於得閒同朋友一齊過嚟呢間試下。農曆新年有特別嘅menu，桔仔形狀嘅蝦餃好符合農曆新年嘅氣氛，腸粉就做成炮仗嘅形狀，很有創意。而且味道都好好，腸粉中間一層脆脆地，裡面啲餡就係蝦同蟹肉，而腸粉皮就用咗紅菜頭汁去做染色，入口順滑。另外亦值得一提嘅係佢地嘅帶子，帶子肉好大粒，而且味道鮮甜，肉質鮮美，又唔會話太熟。多數喺出面飲茶食嘅蝦餃都係普通蝦，咁用龍蝦肉整嘅蝦餃你又有冇試過？佢地嘅香檳龍蝦餃，用龍蝦肉做餡，而蝦餃皮晶瑩剔透，有淡淡嘅酒味又唔會太搶口，顏值高味道又好食。隻豉油皇大虎蝦好好食😋最後我哋試埋佢哋非常邪惡嘅流沙包，同埋咖啡酒味葡撻。我哋三個人食咗七百零蚊左右仲有免費泊車添，真心覺得比起利園其他中菜廳價錢合理，係causal dining 入面服務都算細心，期待星期日再嚟。

屋企人生日諗住食餐好，銅鑼灣搵間好食的中菜一係難book一係就太少人怕食材唔新鮮，無意中搵到間無利園！老公話：利園？唔食都知貴啦！試過先知值唔值嘛先黎個「黑磚豆腐」外脆內軟一黎就咁驚喜！點搞？！由於環境粒光比較暗，影哩舊「炭燒和牛叉燒」都真係影到好失禮但我想講，佢真係好食到震！邊似牛？明明就係肥瘦靚燒！哩碟靚叉要$280蚊，真係唔講得少「盞鬼咕嚕肉」其實都正，但已經變得不值得影...哩個花膠湯津白，將津白切絲再湯浸，個津白太入味了，花膠變左配角仔嘩...嘩...嘩哩個魚腐湯飯，我都唔記得咗佢叫咩名，總之個魚腐綿花咁綿，個脆米再配魚湯，太完美了最後是翠松炒飯冇喇！就算炒得幾香都已經被前面個湯飯影響到分數變為普通喇最後甜品是「石柳糕」好清甜，真可口滿足了推介！但貴左dd...為每人400蚊度啦

首先要聲明，喺今次嚟之前我係好鍾意John Anthony嘅，同屋企人都向唔同朋友介紹過幾次，所以都算係帶住過往嘅好印象高期待咁嚟。但係今次真係大失所望，好似比人呃咁。打算用promotion offer嘅朋友請注意：今次係收到promotion sms話「John Anthony: Visit again! Enjoy 1 Free Australian Wagyu Char Siu with 4 Pax.」所以約埋四位朋友去嘅，點知去到個經理話要exactly四位先redeem得。即係多過四位都唔得。其實係好失望嘅，本身諗住佢送咗個和牛叉燒咁我地其他嘢嗌得鬆動啲都得啦，但知道唔用得之後亂叫嘢嘅衝動細咗。不過都當係自己蠢誤會咗係minimum 4 pax就用得。最後叫咗幾味嘢同drinks，初初嚟到嘅時候覺得不過不失，上次好食啲但又唔難食咁，但到個胡椒魚湯菜苗（pea shoots, pepper, fish broth, wolfberry）上嘅時候成枱o咗嘴。大佬，生 菜 嚟 嘅。我地以為有咩搞錯咗同個侍應講，點知三個侍應都話呢個就係pea shoots。我地話「呢個生菜嚟㗎喎」

黎過幾次先發現原來無寫過食評。介紹我覺得好食既餸先:口水做法既和牛面肉:口水汁惹味，西瓜夾住和牛面肉一齊食，西瓜既清爽即時中和左口水汁既辣勁。好味！有次試過4個人要叫兩碟先夠過癮。麻辣脆牛筋:牛筋本身炆到淋身入味，再拎去炸，外脆內軟，口感一流！推薦！鬼馬咕嚕肉：風亁菠蘿片，油炸鬼脆片，配埋啲肉酸甜開胃，正！黑磚豆腐：外面個殻好香脆，裡面豆腐好軟滑，調味啱啱好！蒜香虎蝦：虎蝦彈牙，開邊燒到好香，上面係有蒜香既香草醬，連殻都吮埋。其他叉燒，燒味嗰啲大把人介紹過，就唔多講了。

呢間可以話係中菜界網紅，冇乜人會唔識，不過聽咗咁耐今次都係第一次試，三個人叫咗成十幾樣嘢超誇張先嚟一系列嘅前菜小食，最得意係好似燈影牛肉咁嘅風乾臘鴨，脆卜卜好香口；花雕魚籽滷水燻蛋個花雕啫喱又係好香；仲有午市限定嘅翡翠酥聽聞係朋友訂枱時留的，口感超鬆化主菜方面茶燻脆皮雞真心不得了，食落真係幾重煙燻味，脆皮仲薄過薯片然後雞肉好嫩滑，仲拆埋骨食得好放心；盞鬼陳皮咕嚕肉多咗陣陳皮又真係唔同啲；最過癮係個棉花泡飯，果幾舊係將魚肉同蛋白打到棉花糖，口感超輕盈同時又有魚香；唯一係黑豚肉叉燒應該係名菜但食落雖然好味但唔驚艷就是最後三個甜品人蔘奶凍/椰皇凍/石榴糕三個都超好食，人蔘味存在感強但又唔會好突兀；石榴糕如果再重味啲仲正。其實餐廳有超多打卡位，有機會再嚟一定要影埋打卡相先

家人生日，所以想找間特別，又好味的食館慶祝，一行四人，就嚟到銅鑼灣莊館，呢度裝修好靚，坐位好濶落我四人，叫左兩個小食，主食四個，菜蔬一碟，湯兩個，加一個甜品花雕魚籽滷水燻蛋-唔似一般餐廳用雞蛋，呢度用鴨蛋做食材，所以較彈口，上面係用花雕凍，入口好香花雕味黑磚豆腐-面頭好脆口，豆腐裏面就好滑，食得出有黃豆香味澳洲和牛叉燒-以和牛做食材，配以中式 叉燒煮法，因和牛油脂分布平均，加上肉質軟滑，所以這和牛入口，肉質好鬆脆嫩滑，加上甜甜啲蜜糖嚟燒，非常惹味水煮和牛面頰-嚟個就真係好有西班牙火腿的食法，牛面頰用水煮方法，會較辣，但用西瓜配埋一齊食，可以減低一點辣度，辣辣甜甜，好味又夾陳皮咕嚕肉-係用黑毛豬，加上中式咕嚕肉煮法，肉質有彈性，軟滑兼有嚼頭燻脆皮雞-煙燻味幾重，雞皮脆口，雞肉香滑花膠响螺雞靜岡蜜瓜燉湯-响螺的鮮甜，花膠的香滑，蜜瓜清甜，成個組合好新鮮、好特別，同真係好好飲阿拉斯加蟹肉酸辣湯-酸辣味唔濃，金菇太多，蟹肉的甜味又被酸辣蓋過，呢個就冇咩驚喜鲜人參红棗炒脆玉蘭-人參甘香配红棗清甜加玉蘭脆口，有清新感覺椰皇凍-睇見個椰皇擺設，未食個心都warm晒啦，入口有陣陣椰味，清甜，食落真係甜

聽說這是網紅摩登中菜館，便慕名而來。為什麼會受歡迎？相信與餐廳的環境和創意有關，讓大家熟悉的中菜在這裡帶有一點新意。 食物 5/5「風乾臘鴨」賣相非常吸引，也可見到做工精緻。鴨片懸掛在麥牙糖上，而且切得很薄，有入口即溶的感覺，再混合蜜糖和有點辣的薑汁吧，很好吃「蔥蒜燒虎蝦」鮮甜的虎蝦配搭香香的蔥蒜，又是不一樣的感覺，很不錯！「和牛鴨鬆炒飯」相比其他菜式雖然沒有太大的驚喜，但也不過不失，炒飯在和牛和鴨鬆的襯托下粒粒分明，也很香！「炸香蕉包」如果我不知道菜名，我會在想這會是什麼呢？其實吃起來是香蕉味的炸饅頭，創意十足 環境 5/5餐廳一邊是酒吧，一邊是座堂，所以無論是吃飯還是聊天都是非常合適的。因它走摩登路線，整個環境華麗優雅，很適合打卡 服務 5/5服務積極主動，很好！ 喜歡創意菜式的朋友值得來一試!

这是第五十四篇麻辣牛筋——庄馆，香港铜锣湾“下周一起吃饭？”同事约着。“我去北京了，”我说。“那下下周？”“去杭州跟上海了。你要不要一起去上海？”我问。“哎呀，排好再过一周我去上海了，”同事说。所以约顿饭，真的要约上一个月。约上饭的这天，是香港理工大学被警方包围后的第一个工作天，早上出门时感受到全城戒备，上班比起平常多花了快一小时；中午走到想吃的两家餐厅，莫名其妙的都没有开，但看Openrice，今天都是有营业的。“啊，那去吃新式的港式饮茶，”我突然想到在利园三期，有一家很想去但还缘鏗一面，装修的像是酒吧的粤菜餐厅，接着说：“如果再没开，我们去吃麦当劳。”店里的装修不同于香港一般的酒楼，比较像是五星级饭店里的酒吧，比如港岛香格里拉里的龙虾吧，有一整面的酒柜与闪闪发光的吧台；或者说是米芝莲三星的意大利菜，比如8 1/2 Otto，偏暗的灯光与有情调的圆桌。看着装潢，我有点后悔中午跟个不喝酒的男人来了。吃的虽然是点心，但口味并非传统。点了虾饺、萝卜糕、牛肉肠粉这些常见却需要功夫的点心，样样都精致，虽然还不到拍手的地步，但样样好吃。最值得一赞是“麻辣牛筋”。牛筋包着一层粉，炸的外酥内软而且入

【牛肉擔擔麵🍜】$95無諗過呢到嘅擔擔麵都幾有水準喎👍🏻之前就介紹過呢間大熱餐廳，如果試過晒所有招牌菜之後想試下其他野，不妨叫下呢個擔擔麵🤤 個人覺得佢地嘅麵質做得剛剛好，而且湯濃稠適中，麵條勁掛湯👍🏻齋係呢點已經好抵讚😋擔擔麵辣度吾算高，吾太食得辣嘅朋友都可一試喔 ！