古今二 (The ONE)

營業中

休息中

我同朋友都想食日本嘢，但又想特別啲，就揀咗創意卷物出名既古今二，原來尖沙咀都有分店，而且位置好方便。雜錦刺身沙律一上枱已經見到超大碗，沙律菜同埋刺身份量都好多，刺身有油甘魚、吞拿魚、蟹籽、三文魚籽等等，加埋特製沙律醬汁，食完好滿足。超級龍捲風壽司卷入面有鰻魚、炸海老、芝士粒、青瓜、脆片，超大件，份量多，食落去好有層次感。櫻花蝦原條茄子燒一上枱已經香氣四溢，櫻花蝦經過烘烤之後香氣加倍濃郁，第一次試呢個食物組合，配搭特別之外味道亦好夾。黑豚豬頸肉串燒一咬落去食到黑豚油脂香，肉質係口慢慢溶化，非常高質。鹿兒島黑豚荔枝卷串燒包住既荔枝令串燒口感清新，完全中和黑豚油脂感，食完一個好想再食另一個。