禾日

呢間餐廳嘅食物選擇真係琳瑯滿目，你諗得到嘅日式食物，佢都一應俱全。當你又想食日式串燒🍢，又想食吓魚生、壽司🍣。甚至乎西多士做甜品，呢度真係一個唔錯嘅選擇。再加上佢哋有好多set Menu，都好豐富。食物質素方面，全部都中規中矩，雖然冇好驚喜嘅感覺，但起碼每一樣都正正常常，唔會令你失望嘅。臨尾我哋叫咗西多士做甜品，服務員都好好，訂枱時留咗喺慶祝生日，佢哋都會寫上Happy birthday，係貼心嘅服務。不過有一點就係雖然佢哋地方都算大，但可能太多客人，每一枱實在太貼，基本上隔籬枱講嘅嘢你係一定會完全聽到晒，所以就有啲尷尬。