烤吧31

營業中

休息中

首先鐘意食勁辣嘅朋友，可以黎挑戰「失傳之辣味」勁辣雞翼！😂成功係5分鐘內食到2/3/5隻，都會有優惠券！輕鬆？！自問鐘意食辣，但呢個辣真係甘拜下風🙏🏻個種係舌頭上迴盪嘅麻同辣⋯真心不得了⋯但其實係好食！！雖然我地最後都挑戰失敗😹😹😹入返正題～主角烤魚我地揀左毛血旺湯底配江團魚，要左小辣。雖然毛血旺湯底要額外加錢，但真心推介，好惹味，鴨血好好食。江團魚啖啖肉，魚肉好滑，細骨唔多。配料絕對建議叫手切牛、水魷同柏葉🙌🏻串燒我就好鍾意燒牛胸，口感好爽脆特別；燒白鱔都唔錯。另外蒜蓉娃娃菜看似好普通，但佢個牛油同蒜味都極香濃，推介！