影片
更多
2023-05-05
754 瀏覽
週末三四點嚟到，以為應該冇咩人，點知全院滿座，不過好快有位。呢間嘢係用QR CODE落單，我地叫咗兩個下午茶餐，一個係咖哩豬軟骨叻沙，一個係招牌厚切豬扒煎雙蛋飯。另外跟餐要杯熱白咖啡，再加10蚊三色奶茶。個飯係最快上，塊豬扒好香好多汁好惹味，另外豉油加蛋漿撈飯真係冇得輸，成個飯都好好食。之後個叻沙都嚟埋，豬軟骨好淋好入味，不過碗叻沙嘅味道就正常，係嗰種意料之中嘅好食，冇咩特別。現場見人手好少，啲姐姐好似做唔切咁，我地食完嘢都未上餐飲，好明顯係漏單，我地問咗一次之後，餐飲就好快上咗。首先杯白咖啡好甜，飲落好漏，我諗住可能馬來西亞人嘅口味比較重，點知嗰杯三色奶茶淡到不得了，啲冰望落去好似融晒咁，極度懷疑杯嘢飲喺入面擺咗好耐，本來有諗過換過杯，不過見啲姐姐來無蹤去無影，次次喺我眼前出現一秒就消失，所以都係算！
呢間嘢係用QR CODE落單，我地叫咗兩個下午茶餐，一個係咖哩豬軟骨叻沙，一個係招牌厚切豬扒煎雙蛋飯。另外跟餐要杯熱白咖啡，再加10蚊三色奶茶。
個飯係最快上，塊豬扒好香好多汁好惹味，另外豉油加蛋漿撈飯真係冇得輸，成個飯都好好食。
之後個叻沙都嚟埋，豬軟骨好淋好入味，不過碗叻沙嘅味道就正常，係嗰種意料之中嘅好食，冇咩特別。
現場見人手好少，啲姐姐好似做唔切咁，我地食完嘢都未上餐飲，好明顯係漏單，我地問咗一次之後，餐飲就好快上咗。
首先杯白咖啡好甜，飲落好漏，我諗住可能馬來西亞人嘅口味比較重，點知嗰杯三色奶茶淡到不得了，啲冰望落去好似融晒咁，極度懷疑杯嘢飲喺入面擺咗好耐，本來有諗過換過杯，不過見啲姐姐來無蹤去無影，次次喺我眼前出現一秒就消失，所以都係算！
張貼