Off Town Kitchen

第一次光顧呢間餐廳 於西營盤嘅一間小店 餐廳外表雖然唔顯眼 入面嘅座位都唔多 但設計好有格調 燈光好暖好柔和 服務員都好親切態度好好食物嘅水準高得黎 價錢都唔貴👍👍我地就嗌咗一個燉牛面配德國麵團同日本手飼豬配意粉首先黎嘅係德國麵團 口感好得意 我第一次食 香港真係好少有配埋燉牛面真係冇得彈😍😍問番店主原來佢地個麵團係自己整嘅 個燉牛面都花足心機時間材料燉足咁多個鐘！抵讚👍👍👍之後就到青醬日本水飼豬 呢個又係不得了 塊豬扒好厚 啲油脂都好正 雖然塊豬厚 但食落好多汁 又唔會覺得好乾 最欣賞嘅係 佢地用咗青醬去配呢個豬 味道好清新同豬好夾 食完都唔會覺得好膩🤤而且個意粉因為有焗車厘茄同水瓜柳 又係成個組合都好清新開胃😋😋佢地真係良心小店 價錢親民得黎嘢食又好好食而且食完真係飽肚🤤👍店主仲特登同我地特別推介佢地個法包 係佢地自己整嫁！所以我都買咗條番屋企 果然真係好好食😍😍😍好欣賞呢間西餐好低調 但服務態度 食物質素 衛生等完全唔輸比出面啲貴價西餐 而且佢地乜都親力親為 係一間好用心嘅小店 我地都一定會再番黎食加油💪💪💪🙈🙈