Off Town Kitchen

等咗一年有多，終於嚟到試Off-town Kitchen。之前一係約唔到腳，一係訂唔到枱。一場嚟到梗係試5-course menu。洋蔥湯，咸淡得宜，保留到洋蔥甜味、Parma ham and Pear Salad，配襯嘅果仁係一大亮點、西班牙乳豬，皮脆肉嫩、威靈頓牛柳，不得了，酥皮香脆鬆化不油膩，帶有玫瑰露香氣，原來係鵝潤嘅加持！牛柳生熟度perfect、拿破崙蛋糕。好高興食到一間好食、有detail嘅西餐廳，環境確實唔係頂級，但我接受到。滿意！期望下次再嚟！貴嗎？貴。值嗎？超值！

西營盤高街女主廚用心經營小店夜晚去食晚餐叫咗經典嘅 威靈頓牛餐頭盤來個pizza 主要係來食依個威靈頓牛柳女主廚十分好客 切開之前 會送嚟俾你睇吓新鮮焗出嚟 誠意滿滿最後拿破崙作結 係令人滿意嘅一餐 ❤️

喺香港地食情人節套餐，好多時都會中伏。2025年又再次唔信邪，去咗西營盤高街去試吓新嘅餐廳。呢間Off Town Kitchen係一間標榜法國農村菜嘅餐廳。去到呢間餐廳，驚訝地發現地方非常淺窄，枱同枱之間嘅空間好少。但係佢哋嘅服務都非常貼心，整咗一個位置俾客人放隨身物品。呢個我覺得值得稱讚嘅。情人節餐當然就比較貴，今日個Menu價值$888，兩個人食差唔多$2000。所以對佢期望都會比較高雖然餐廳環境有啲淺窄，裝修亦都麻麻地。環境好似坊間嘅清水樓，連牆紙都未有嗰種。望一望佢個餐牌，唔係好覺係法國農村菜。反而好似一般嘅西餐。不過希望都係好食嘅。餐廳第一個上咗兩塊好細好細嘅麵包，冇錯，只有兩塊。size就好似一個成年人手掌嘅¼。黎左都唔係好覺 😥我哋試咗兩個唔同嘅頭盤，第一個係鵝肝。鵝肝煎得香濃香脆，內裏保持鬆軟。味道香濃。呢個做得唔錯。另一個頭盤係蝦，唔覺佢有咩特別。蝦肉比較結實，但係唔覺係一啲新鮮嘅海蝦。似係冰鮮蝦。羅勒葉蕃茄汁有少少辣，味道都尚算唔錯。但係以咁貴嘅價錢期望可能有少少落差。接住落嚟就係個美式華都夫沙律，味道可以。但係呢個沙律喺屋企都做到。性價比唔高。呢個自家製闊條麵味道

一間細細的餐廳，目測大約坐16至18人，所以一定要book位啦。節日關係，佢哋只供應聖誕set menu。一睇價錢大家都嘩一聲，冇諗過這種小店lunch要$900😱 不過食完之後就覺得物有所值，亦能感受到廚師嘅用心。洋蔥湯香濃，燒豬髀皮脆肉嫩，威靈頓牛扒牛肉好香腍又唔肥，酥皮仲係脆的。Mussels 個汁好好味😋 最驚喜就係甜品，薑餅人好靚，個酥皮撻好脆又唔油膩👍🏻 值得推介的小店👍🏻

以前都幫襯過呢間小店起碼都有六七次了，初初同老公及家人嚟，最近呢一次星期三和兩個女朋友嚟，預先訂咗mussels; Beef Wellington ; roast pig. 咁我哋準時到啦，發覺原來食Beef Wellington 的話，就一定要叫二人套餐的，要每人$788 +1 ，但係我哋又想食mussels, 又想食佢嗰個German pasta，同埋又訂咗roast pig, 邊度會食得晒，只是三個人。所以我哋放棄咗食Beef Wellington了。咁結果mussels, German pasta，roast pig and roast chicken. 3 三個甜品+2 杯tea + 1 杯latte。埋單$2277 ，我哋覺得有啲貴，尤其是個Mussels 差唔多$650+其實價錢比想像中貴，唔係一個大問題。佢啲mussels 特登去買同埋都好新鮮。但係失望嘅就係有以下幾點，希望老闆娘睇到，可以改進。但係嗰晚老闆娘唔喺度的。1） 佢哋個Menu好唔Flexible，點解beef wellington 唔可以獨立叫呢？2） 佢嗰個Ala carte Menu縮晒水，比以前嘅

朋友為我地揀嘅小小西餐廳，環境cozy 睇得出店主花左唔小心機佈置。點菜時，主廚有貼心提醒我地套餐嘅份量比較多，我地4個女仔，點左一個威靈頓2人set,再加一份乳豬已經好夠，每一樣食物亦都好好食，特別係份威靈頓，味道超好，酥皮亦唔油膩。因為生日，主廚亦好貼心幫我地打埋燈影相😆 我地4個都覺得好值得encore❤️

朋友建議去這間小店試一試，冇所謂啦 ，食得就食。 去到，嘩！原來這麼細，地方好少， 茶餐廳可能還寬敞，不到20個坐位，身體也不敢大動作。 見樓夥記只得一個 好忙， 添加飲水自己去攞啦。 廚房就有兩位。威靈頓牛柳要晚上才有，lunch就是要預訂。後來說有貨可以落單。大鄉裡，我第一次食威靈頓牛柳，賣相好靚。 放入焗爐前，拿給我哋看看，拍拍照。 焗完之後 ，未切開之前 又都再拿給我哋看看，拍拍照。我以前未食過，所以冇得比較。只覺得啲牛肉就好軟熟， 用蘑菇用包住嘅皮好好食。 頭盤和甜品都是正常 ok.好奇怪，平時食肉量不多的我，可以食曬整個餐。 這是不是叫做嘴刁 。因為一個套餐要$1734 每人要$867.🤪🤪最後我覺得地方真係太細， 人多會好嘈，又冇服務， 而要收咁嘅價錢，係唔balance。 地方，環境和氣氛都冇。所以下次都唔會再去。( to my surprise, 洗手間就好乾淨和闊落）

好少特登食評論，之前有間好差只比個差評，但呢間隱世法國菜有令我感到意外☺️😋。同朋友仔經過呢間餐廳幾次，但一直都未去食過，咁啱有fd生日就帶左佢去食🙈。雖然入去係間細舖仔，但環境氣氛都OK。下面係有幾個菜我會10分推介，因為真係令我覺得味蕾好滿足😋先講下前菜，我最中意係呢個法式洋蔥湯⭐️⭐️⭐️⭐️⭐️我fd係法國都飲過呢種湯，佢話喺嗰邊飲係超咸，我諗餐廳都有就返香港人口味，味道啱啱好😋，上面嘅芝士食完之後，下面有啖啖洋蔥味，有埋浸濕左嘅麵包係入邊，吸晒個湯嘅精華very juicy🥰主菜我最推介呢個，皮脆肉嫩西班牙乳豬🐖⭐️⭐️⭐️⭐️⭐️一上碟就見到色澤唔錯，已經迫不及待🫣。侍應喺我哋側邊做咗個西班牙儀式，用碟切開，聽到好脆好脆嘅聲音😆。食落口，我覺得好嫩滑，而且口感好好，每次咬個皮都會發出好脆嘅聲音，呢個係我覺得咁多道菜最好食嘅一道。第二個推介 威靈頓牛柳🐄 ⭐️⭐️⭐️⭐️到我最期待嘅威靈頓牛柳😋侍應將成道菜未焗之前俾我哋睇，令我驚喜嘅係，呢間餐廳用酥皮包住晒成個牛柳，形成咗好似花嘅形狀，好特別好靚，令我更加期待之後嘅製成品😳😆。切開後嘅牛柳係受熱均勻，肉質鮮嫩，搭配埋醬汁更加惹味，我幾鍾意佢嗰個汁，侍應同

第一次到訪，雖然餐廳細細、空間較狹窄，舒服用餐！其實空間細，好睇同場其他客人是否斯文傾談？還是高談濶論？今日午餐就較安靜，主廚親自招待，食物質素唔錯，南瓜湯👍🏼好香濃軟糯，和朋友都一同選燒雞作主菜，主㕑再三強調要等半小時，但因為好想食，也願耐心等候😅！值得等的，好香、好有肉汁，薯條好粉糯加黑椒、鹽的調味很恰當，整體不錯👍🏼只可惜好飽、吃不下甜品，但朋友試了拿破侖甜點話不錯！下次有機會來會預訂威靈頓牛試吓😊

❗️非常之差嘅用餐體驗 A very horrible experience ❗️第一次俾差評，fine dining價錢但換來嘅係大排檔氣氛同一肚氣。首先餐廳環境比想像中狹窄，但唔緊要，因為之前去過啲家庭式經營嘅法國菜館都係格局雖小但五臟俱全，只要用心經營都可以有cozy嘅感覺。但可惜今晚去到環境之嘈雜係好似去咗街市/大排檔，有一枱食客大聲傾偈大聲笑，嘈到我聽唔到同行友人講緊咩。無誇張，隔離枱有位女士都感到非常不滿，同主廚反映後換嚟一句 「因為佢哋包咗corner位」。唔通因為咁，corner出面重有三枱客就奉旨要忍受呢種燥音？無論主廚定侍應都無打算幫忙叫果枱corner客細聲少少，令到成餐飯感覺十分之差。其次服務欠奉。一到步並無人接待，要等一陣先有人理。今晚全場有四枱客人，只見主廚有同其餘三枱客人稍作閒聊，詢問下用餐體驗，但唯獨無同過我呢枱講一句說話。講真有啲不解，莫非因為我同友人望落年輕，意見就唔重要唔需要聽納？先前提到隔離枱位女士對主廚反映咗對噪音嘅不滿，之後見主廚都有嘗試補下鑊，主動打燈幫該女士影生日合照。反觀我同友人同樣係慶祝生日，就完全無呢種待遇😂要問侍應先有幫手合照，至於主

性價比高，預約困難小店，用心製作，價錢合理🥲，隱世平民價錢😏😏看了這些網上評論性價比極高，本着試吓隱世女廚師的手藝早一個月訂位來試試。食物和環境質素一般般，用餐位置非常之狹窄，桌子在樓梯底旁邊，牆上的油漆都很多污跡，餐前送來的麵包像碎片一樣一人一小塊😩😡，一個豉油碟份量的牛油四個人分。如果是標榜法國餐，基本的餐具也應該有啊，但從頭到尾都是一套刀叉，基本西餐廳枱上的餐巾沒有，餐纸巾也沒有一張😢，$788威靈頓餐只得半份，要吃一份就要$1576（788×2 ），我們四個人點了一個二人份的威靈頓牛柳餐（只得一個威靈頓牛柳），再加了一個德國粉團，和一份小烤乳豬，開了一支酒，埋單$3000😲這個價錢可以有很多選擇和更高級的環境。

🥖柚子法包🥖見唔到柚子 但會食到好香柚子味諗左一陣柚子味來至麵包定牛油?麵包控既我 就覺得細細塊唔夠喉😝「不過好彩細細塊 下面主菜好大份」🎃南瓜湯🎃連唔食南瓜既另一半都飲左我半碗唔會有南瓜既草青味 好creamy 好滑身 加左啲杏仁片 令個南瓜湯唔會太寡🧅法式洋蔥湯🧅一定係「西營盤名物」 每次黎都必叫一絲絲既洋蔥好甜 入口即溶仲有舊芝士面包係湯入面 ‼️好有驚喜‼️必試‼️🥗煙三文魚沙律🥗出面比兩塊已經好比面❤️依到有成3大塊🤤好豪爽🍗小食拼盤 （無限量任添）🍟水牛芝士條 香草豬肉腸 炸雞塊 薯條 炒羽衣甘藍 炸物夠乾身 夠脆口 唔會食到成口都油淋淋炒羽衣甘藍👈🏻真係第一次食熟既 唔會好似生食咁硬同草青味🐥招牌露絲馬莉烤雞半隻🐥Oven Roasted Rosemary Chicken (Half)‼️不得了‼️外皮乾脆😍入面Juice🤤🤤啲Rosemary非常入味 外皮上面仲有焗到卜卜脆既「蒜香脆脆」加埋落個雞髀到一齊咬 （而家仲流緊口水🤤）🥩美國封門柳 8oz.🥩USDA Hanger Tender Steak (8 o.z.)封門柳擺盤已經好吸精 肉質好淋唔會太熟同埋個醬汁好夾 甜甜地 開胃

臨近父親節，當然要揾吓有咩特色餐廳一家人enjoy吓啦🥳今次就試吓呢間係西營盤高街嘅小店，食吓法國農村菜😋首先開返枝酒(自費)比老豆先啦，店員推介Domaine Fourrey Chablis Premier Cru Les Fourneaux 2021，配返今晚嘅菜式。Starter先嚟個自家製嘅意大利香草麵包外層鬆脆，內層鬆軟有空氣感不在話下啦。然後到南瓜湯同我飲開一般嘅南瓜湯唔同，佢呢款就偏向比較滑身，cream味重啲，保留到南瓜香味，但又唔會好膩，仲加咗少少杏仁片，多重一重爽脆口感。法國里昂沙律本人對好食嘅沙律有一個好基本好簡單嘅標準，但好多餐廳都唔達標，就係每一塊新鮮蔬菜都要fing乾淨啲水同每一塊蔬菜都要比個sauce覆蓋。但偏偏唔知係個廚懶，呢個step通常都做唔好，又撈唔勻個sauce，令到個沙律淡晒口。咁基本又重要嘅細節，呢個沙律做到！清新醒胃，仲有少少豬腩肉，好夾！呢個沙律本應係配poached eggs嘅，係我個肚唔係好受得半熟流心蛋所以大廚先轉熟蛋比我，原版應該更正！法國阿爾薩斯四方薄餅新鮮焗製嘅，薄脆餅底配煙肉洋蔥芝士，香！招牌迷迭香烤嫩雞呢個真係誠意之作，個

食物方面：兩個人叫左威靈頓牛排set，份量十足👍🏻 味道都係中上水準😋 Set 可以揀四個starter，二人份威靈頓牛柳同埋甜品🍮自家製香草包⭐️⭐️⭐️⭐️⭐️非常好食! 外脆內軟，第一啖食時香草味直衝口腔，煙韌有咬口，鬆軟有彈性😋第一個starter 法式肝醬與肉醬⭐️⭐️⭐️⭐️好食! 入口嗰下好濃牛肝菌味，口感都幾特別，平時醬質地再有肉粒係入面🤣 不過作為starter有少少heavy，佢份量唔細同埋有一定鹹度，食完都飽一半🤣第二個starter 法式洋蔥湯 ⭐️⭐️⭐️湯好濃郁牛骨同洋蔥味👍🏻 中間有輕微苦澀味，有機會係某種香料造成，個人覺得可以，不過怕有苦味既人可以避免叫呢個。第三個starter 風乾帕馬火腿香梨沙律 ⭐️⭐️⭐️⭐️加🍐係沙律入面真係好夾! 帕馬火腿唔會太鹹，沙律菜再加🍐更加可以中和到火腿既膩感同之前較heavy既starter👍🏻 第四個starter 阿爾薩斯四方薄餅⭐️⭐️⭐️⭐️⭐️非常好食! 麵糰係自家製好脆，上面有白芝士，煙肉同洋蔥😋 有d似卡邦尼意粉既感覺🤣 所有嘢都夾得好好👍🏻主菜 威靈頓牛柳⭐️⭐️⭐️⭐️⭐️非常好食! 服務生會比我地睇一睇影相再擺入焗爐。 外型同出面食既會唔同，聽主

Tried her signature dishes, roasted piglet in spanish style👍👍👍, handmade pasta ‘spatzle’ and the juicy baked roast chicken. My friends especially liked her rich onion soup. Using mascarpone in place of too sweet custard for her napoleon dessert is a smart choice, though I might try greek yogurt with fruity syrup as a healthier option😃