影片
更多
2019-06-14
590 瀏覽
告別咗怡東，無咗Dickens Bar同ToTT's。約了朋友去Hotel Vic嘅Cruise度happy hour。裝修景觀一流，坐得好舒服，好滿意。之前見佢網頁有個Happy Hour Snack Combo，$98兩杯細啤酒同小食，喺一間四星酒店嘅扒房嚟講，真係好抵！朋友唔想飲酒，咁問咗server兩杯啤酒可以分開上，咁我哋就叫咗個combo同花茶。正常如果落單時無mark低邊位客人order咗咩，落枱時候都會問下，可惜二份一機會都估錯咗，唔緊要，好小事。小snack到咗，無碟無叉，唔緊要，腸同蝦丸有支籤穿住，可以用果支籤食。炸物唔油，火侯控制得好好，外層脆，內部夠熱又唔會乾，蒜蓉飽好好味，送酒無得頂！其實有食物跟紙巾對我嚟講係好正常嘅，但原來唔係，係要開聲問。可能而家科技發達，server工作上都需要用手機溝通，但背住open kitchen，面向客人㩒手機，真係好？最失望嘅，莫過於第二杯啤酒！其實我叫兩杯啤酒分開上係想飲完一杯，第二杯仲係凍嘅。第二杯上嚟，係杯室溫啤酒，救命。我錯，我應該講清楚兩杯啤酒分開上，第二杯啤酒要雪住先。但啤酒要夠凍，呢個應該係常識吧。可能serve
總括嚟講，今次雖然有啲小問題出現，但環境同食物撘救，會再嚟嘅。希望下次嚟服務會有改善，servers 諗多步，唔好辜負咗咁好嘅環境同食物。另外都希望攞個茶壺去加水時會出一出聲，我哋真係以為你問都唔問收走咗個茶壺。
Snack Combo
$98
17 瀏覽
0 讚好
0 留言
張貼
