賀天

營業中

休息中

餐廳環境都幾靚，座位舒適，好岩同朋友嚟打卡傾計。日本帆立貝海膽盛合丼好多帆立貝同海膽，而且都新鮮，食到刺身嘅鮮味。和風特色四色牛肉啲牛肉質素唔錯，侍應好好，教我哋首先燒肥豬肉先，出啲油先再燒牛肉，咁啲肉就更加好味，而且唔會黐底。燒出嚟嘅牛肉真係好有肉味。牛油果炸蝦卷有大大塊嘅牛油果鋪喺炸蝦卷上面，食落去都好夾。軟殼蟹炸得鬆脆，真係幾好食。松葉蟹肉日式蒸蛋都幾足料，上面有好多松葉蟹肉，非常鮮甜，下面嘅蒸蛋好滑。伯爵茶千層蛋糕上面有一啲朱古力醬，同個蛋糕好夾，唔太甜，食完好滿足。另外，仲叫左巨峰乳酸雪糕特飲同抹茶牛奶，好飲👍