影片
更多
2021-12-12
226 瀏覽
天氣凍啦，同朋友仔去咗荔枝角嘅香工買衫換季，買到夜晚五六點。朋友仔一早book咗附近嘅西餐廳，就係響饒宗頤文化館入邊嘅法式西餐廳，悅滿軒。平時搭車經過就見得多，但呢個位又真係未試過去。聽講呢個文化館係文青打卡熱點。上到去四周圍環境好靜好清幽，餐廳位置要在去搭lift上一層。好彩book咗位，一入去見到坐滿晒人。我地方唔算大，但係有用心佈置，而家已經鋪滿晒聖誕嘅裝飾，頗有情調。甫一坐下，店員就遞上了蕃茄麥麵包，配黑水欖牛油。麵包有好香嘅麥味道，搽上牛油，非常惹味。我同朋友仔各自點了自己的主食。紐西蘭托托蜆配大地魚汁燴意大利飯🍛賣相非常精緻。食物中央放了食用花。意大利飯煮得非常入味，軟硬程度適中，一咬落去都係濃厚嘅海鮮湯味道。呢個應該就係大地魚汁嘅味道吧。配菜嘅托托蜆，煮得恰到好處，不會過熟。而且保留了海鮮嘅鮮甜味道，整體不俗。美國安格斯肉眼扒12安士🥩肉眼扒標榜係冇激素，食得安心。朋友仔點了七成熟，不太好肉的我，都偷咗幾舊嚟食。牛扒煮得恰到好處，肉質鮮嫩，又非常彈牙，雖然知係雪藏嘅牛扒，但係肉質絕對唔鬆散。另外有配菜，煎蕃茄仔和煮蒜蓉原粒。加上牛油香，冇煮得過龍，保留左蔬菜原有嘅味道，食
平時搭車經過就見得多，但呢個位又真係未試過去。聽講呢個文化館係文青打卡熱點。上到去四周圍環境好靜好清幽，餐廳位置要在去搭lift上一層。
好彩book咗位，一入去見到坐滿晒人。我地方唔算大，但係有用心佈置，而家已經鋪滿晒聖誕嘅裝飾，頗有情調。
甫一坐下，店員就遞上了蕃茄麥麵包，配黑水欖牛油。麵包有好香嘅麥味道，搽上牛油，非常惹味。
我同朋友仔各自點了自己的主食。
紐西蘭托托蜆配大地魚汁燴意大利飯🍛
賣相非常精緻。食物中央放了食用花。意大利飯煮得非常入味，軟硬程度適中，一咬落去都係濃厚嘅海鮮湯味道。呢個應該就係大地魚汁嘅味道吧。配菜嘅托托蜆，煮得恰到好處，不會過熟。而且保留了海鮮嘅鮮甜味道，整體不俗。
美國安格斯肉眼扒12安士🥩
肉眼扒標榜係冇激素，食得安心。朋友仔點了七成熟，不太好肉的我，都偷咗幾舊嚟食。牛扒煮得恰到好處，肉質鮮嫩，又非常彈牙，雖然知係雪藏嘅牛扒，但係肉質絕對唔鬆散。另外有配菜，煎蕃茄仔和煮蒜蓉原粒。加上牛油香，冇煮得過龍，保留左蔬菜原有嘅味道，食完好油膩嘅牛扒，食一口蕃茄和蒜蓉，有助減膩。另外有兩個唔同嘅醬汁，最出色係綠色嘅蔬菜醬，估計應該係羅勒醬，非常之清香。
肉嘅份量好多，飯嘅份量卻唔多。兩個主菜加埋兩個人食就好足夠了。
食物質素不錯，廚師煮得滿有心機，食物嘅賣相都唔錯。食物加上餐廳嘅環境，適合打卡。而且同朋友傾偈都唔錯。總括而言，整體都頗滿意。
張貼
