Mild

營業中

休息中

自屯馬線開通，九龍城嘅cafe都開多咗。今日我就同朋友去咗位於聯合道新開嘅Mild。店舖裝修有點走水泥工業風，環境都美觀典雅。我同朋友因為約咗客戶下午茶，所以只點咗一個意粉同小食share食。香辣蒜片扁意粉辣道調較得好合適，而且好夠蒜香味。越簡單越見功架。簡單而美味，處理得非常好。水牛城雞槌一碟有6隻雞槌，雞肉嫩滑多汁，夠哂香辣惹味，食到停唔到口，差啲想叫多碟嚟食。不過唔食得辣嘅朋友就應該會覺得辣咗少少喇。Mild嘅咖啡唔係自家烘焙，選用咗哥倫比亞、巴西同印尼嘅blended，味道都唔錯。Latte 同 Mocha都有水準㗎。