PAUSE IT

營業中

休息中

呢間餐廳有分店，主打咖啡拉花，座位闊落，店內佈置簡潔，感覺好休閒。中午有set lunch, $118包餐湯或沙律，主食及拉花咖啡，另可加配小食。 餐廳有提供BB凳及兒童餐具，適合家庭客。 煙三文魚牛油果醬意粉意粉好香牛油果味，味道有D似卡邦尼意粉，仲有粒粒牛油果肉，配上玫瑰花造型既煙三文魚，賣相非常吸引 香煎三文魚扒配瑞士薯餅及意大利青瓜+$20三文魚扒煎得個皮好香脆，肉好嫩。瑞士薯餅係薯仔絲煎成餅，內有煙肉碎，配上秘製沙律醬。薯餅口感爽口，好特別。意大利青瓜口感則似翠肉瓜。 除左咖啡可以拉花，估唔到非咖啡都可以做到拉花效果。嗌左杯黑芝麻Latte，好香黑芝麻味，配上海馬拉花，好飲又好睇。