THE HUNTER

新加坡同事黎香港出差，佢岩食西餐多啲又唔想去鬧市，所以帶佢黎將軍澳海濱公園附近食地中海菜。呢間「The Hunter」一直都想食，今日終於有藉口可以一試。餐廳景觀好開揚，高級西餐廳海洋主題嘅裝潢，精緻有氣氛。最重要嘅係近海旁，坐室外位好正，食完仲可以係海濱散一下步，一舉兩得。餐廳位置唔難搵，沿著海濱公園方向就唔會錯。The hunter 主打優質地中海海鮮同木炭烤肉，所以推介大家要食佢個牛肉！牛肉係美國乾式熟（dry-aged）牛肉，品質上係有保證，木炭烤更有風味，更能讓牛肉嘅鮮味鎖在其中。今日試左佢個rib eye, 雖然好厚身但完全唔會出面焦入面太紅唔熟，呢款推介必試！另外仲試左蘑菇燴飯，呢款Risotto 好鬼足料，啖啖蘑菇肉，好香嘅松露芝士味，份量大到兩個share黎食都好夠。另外仲試左個布拉塔水牛芝士同兩杯Mocktail，完全岩口味。如果你對食物同環境都好有要求的話呢間應該會好岩你。