廚魔

營業中

休息中

去埋今次，已經係第四次去呢度食飯。頭一次係喺灣仔舊舖，之後去中環新鋪。純粹講食物質素，咁多次都冇失望，有啲時候仲好有驚喜。舉個例，佢今期嗰個豬腸粉係重現返舊式豬腸粉嘅形態，但係又喺味道上面為你好大嘅衝擊，因為用咗新嘅食材，帶出新嘅口味。佢啲嘢食未必都啱我自己嘅口味，不過佢嘅創意你係唔能夠輕視，負責餐飲嘅團隊，係好抵讚。正正因為去過幾次，所以感受到嗰度服務嘅改變。最近去嗰一次遇著個冇熱誠冇誠意嘅服務員，解釋餸菜非常求其，上菜嘅態度令我覺得自己去咗佐敦澳牛，唔知以為係自己刁難咗佢，要受佢氣。不過都唔可以一竹篙打一船人，整體大部分服務員都係有熱誠同埋有耐性，但係嗰晚餐飯真係畀一條友搞禍咗😅其實都唔期望米芝蓮二星嘅服務態度，只不過應該米芝蓮一星都冇。貼錢買咗個體驗，不過係唔好嘅體驗。