尚青商號 (已搬遷) 新店位置

外賣及堂食都去過好幾次，食物係好，但大部分店員服務態度差，落單手機menu 唔係好user friendly查問店員想點的食物哪裡找，唔耐煩咁答你。點餐後係飲品同小食先到，但又唔會比餐具你..你無餐具食嘢又無店員留意到，淨係識得催你一個鐘要交枱喎！原來你既餐具係跟住响你點個主食連餐盤隨後先一齊上，你係要主動問可唔可以有餐具先食小食，先會比你！到你食完離開，正係午飯時間，排隊條龍企滿樓梯，上落既人都係要遷就一下，但咁啱有個店員迎面行上嚟，我哋落緊去離開，旁邊已經企滿排隊根本冇位可以遷就，我哋都企定讓比個店員上先，佢仲無禮貌到行過後發忟憎好晦氣咁大大力dum地。之前幾次外賣就起碼等半個鐘以上，最耐一次企响到等咗45分鐘拎，只係叫佢地特定既午市外賣套餐，其實都已經係煮定曬，唔明點解要等45分鐘，催幾次都話整緊，一個鐘既食晏時間淨等拎外賣45分鐘，再行返公司即係唔駛食。以後唔會再去，次次都無改善，就算欣賞食物有幾好但服務態度差，食餐飯唔想咁受氣。