龍城冰室

營業中

休息中

今日拎份文件去觀塘比個客簽名，因為天氣熱，行到去都成身汗，客人好客氣，佢請咗我入餐廳坐低先慢慢傾，重話呢間龍城冰室食物多元化，有港式常餐，中式小炒，西式燴飯和意粉，及鐵板扒餐。味道唔錯。鐵板海鮮炒烏冬：上檯時熱騰騰，鐵板重發出滋滋聲，烏冬炒得夠味又夠鑊氣，海鮮有蝦、鮮魷、魚柳、青口，都好新鮮，烏冬彈牙惹味！凍檸茶夠凍夠味。焗芝士蝦球意粉：蝦球爽口，芝士醬汁撈埋意粉食口感creamy,十分惹味！紅豆冰奶味香濃，紅豆林甜。