龍城冰室

真係好嬲呢間野啲員工態度差到極致我野都未食完 12:26走嚟話我係咪唔食要收走我啲嘢食同佢講我只係食得慢啲未食完咋喎，咁我唔食走囉個啊嬸侍應就勁大聲一路行一路話我坐咗成個鐘比說話我聽 哇洗唔洗咁啊？Hello?? 我11:53落單 等左10分鐘你個餐先到齊我食到一半走來嚟催我仲要咁差嘅態度唔洗咁講嘢下化？我由坐低到俾人趕走都只係30分鐘內嘅事其實好聲好氣講一句係咪咁難？一定要用啲咁差嘅態度？大家唔想食餐飯都受氣睇人面色就唔好去全部啲阿嬸侍應上餐都係呼呼喝喝以後唔會再食呢間嘢…查看更多

個沙爹魷魚幾好食都唔會再去，茶餐廳食早餐大家都趕都唔駛你好好招呼，但都唔駛當個客嚟乞食咁喝，佢指邊個位一定要坐嗰度，9點鐘去到走左唔少人都唔比揀位，落單又西口西面，好似阻住佢地吹水咁，剩係收現金個收銀阿姐找錢就係掉出嚟嘅。其他分店都未見過咁嘅態度。…查看更多

今日想去茶仔食個下午茶，本來想去呢間野隔離新開果間冰室，但唔見有下午茶，就誤打誤撞入左去呢間野，一入去就比個侍應點左去坐個超凍嘅位，我坐落真係頂唔順，唯有問侍應可唔可以換位，問完之後，果個好似阿婆咁樣嘅侍應望都無望周圍環境就話：無喎，無得換咁，枱枱都滿晒。。。好，我見第一次黎幫襯，就忍下你，同埋我真係好肚餓，跟住叫左個龍城炒米粉（寫住係餐廳推介），食左幾啖之後，發現每啖都唔同味道，有時太咸，有時太淡，有幾啖係啱味嘅。。。唉，咁都算係餐廳推介再跟住食到半路中迷，上面有幾舊塵（唔係幾粒，係幾舊）隨著勁凍嘅冷氣飄落黎我同隔離枱嘅枱面，我就覺得好恐怖，但竟然隔離枱嘅客人見怪不怪咁，繼續悠然自得咁食食食茶仔我食得多，呢間野都算係極品，喺呢個時勢，仲有d咁嘅餐廳同員工，香港嘅飲食業真係比你地搞"彎" 晒喇…查看更多

樓面職員真係巴閉，唔跟指示入座，冇人幫你落單，俾面色你睇；走過嚟幫你落單，晦晦氣氣，真係大支嘢⋯⋯不過…..唔緊要！我立即冚埋本menu—即刻離座！冇下次！前後左右，茶餐廳林立，唔怪得知隔離啲茶餐廳，間間都要排隊，淨係你哋呢度唔使排，俾生意你哋做，還要這麼惡劣趕客！！！老細真係有見地，請呢啲幫你趕客嘅職員，有眼光！…查看更多

早餐我成日都會幫襯既茶記/冰室，就係龍城~因為佢有我最鐘意食既火腿芝士牛角包~真係好好味口感又脆又超化~牛油味香濃再配埋火腿同半溶既芝士一齊焗，超滋味😋不過得早餐先有，每次為咗食都要早d起身:(…查看更多

是咁的 我喺觀塘返咗成年工 次次經過都見到哩間冰室排曬長龍 之後今日look look下開飯啦 就見到有招牌酸菜魚套餐 咁就最後入去食 可能一個人關係 我等咗一陣就有位了 叫完唔記得叫小辣 但其實都唔係好辣 同埋份量好大兜 上菜又快加埋嘢飲100蚊都唔駛了…查看更多

龍城冰室是一家受歡迎的港式茶餐廳，在香港有多間分店，每間位置方便，啱晒香港嘅打工仔。我這次試了他們的招牌午餐，鐵扒蒜蓉西冷。鐵板熱辣辣上枱，連埋蒜蓉汁自己淋面。牛排份量相當大，肉質鮮嫩多汁，配合蒜蓉的香氣，帶出嘅肉香十分好味。配菜選了薯蓉，焗薯上面淋上了芝士忌廉醬，外脆內軟，口感豐富，增添了整體的風味。餐廳的午餐還附送一碗西式紅湯，即係香港人熟悉的羅宋湯。湯底濃郁，入面仲有肉碎同菜絲， 十分足料。紅湯的味道濃厚卻不過於油膩，讓人感到十分滿足。最後，香港冰室必點的凍檸檬茶，茶香四溢，檸檬的酸甜比例恰到好處，清新提神，特別啱午餐叉電。龍城冰室的餐點質素高、價格合理、款式多多，附近返工每星期食都唔厭！…查看更多

嚟到龍城冰室，最推薦嘅一定係焗咖哩牛腩飯，真係冇得輸！🥘👑 個咖哩香濃入味，啲牛腩又軟腍多汁，配埋香噴噴嘅白飯，簡直係絕配呀！🍚🐂我同班同事成日lunch time都會去食，真係當咗佢係飯堂咁。🏢🍽️ 價錢都算親民，份量又夠，食完返工都唔會覺得肚餓。環境方面就普普通通啦，但係乾淨整潔，冇咩可以挑剔。🏠✨ 職員態度都幾好，效率高，笑容可掬，令人食得開心。😄👌我覺得最正嘅係佢哋嘅出餐速度，等啱啱好可以閒閒地食完再返工。⏱️👨‍💼 真係幾啱打工仔食lunch。雖然唔係咩高級餐廳，但係作為一間街坊冰室，龍城真係做得幾好。🍵🥇 如果你喺附近做嘢或者行過，真心推薦你去試吓！總之我覺得龍城冰室係間幾好嘅平價食店，啱晒想食得快、食得飽又唔想餐餐花大錢嘅打工仔。💼🍽️ 仲有呢，佢哋嘅奶茶都幾出色，香滑唔會太甜，配埋個菠蘿油簡直係絕配！☕🍍 如果你想嘗試多啲嘢，佢哋嘅焗豬扒飯同西多士都幾受歡迎㗎。…查看更多

魷魚麵湯辣辣地 好濃 加多條菜就perfect!呢個餐包埋芝士火腿牛角包 🥐 &腸蛋食完飽到上心口🤣🤣🤣幾好！！凍咖啡超級難飲 死苦味 沖杯雀巢飲好過🙄待應態度就正常啦 叫佢比個袋我裝包都肯比🥹ok la 幾十蚊一餐仲想點姐！環境坐得幾不爽 早餐一人例牌要搭枱🥲又窄…查看更多

話說門口太多人，決定買外賣回家食，唸住純粹影俾朋友睇，但食完覺得幾好食，所以都係寫埋個食評講一講。一開蓋，畫面非常滿足，因為塞爆成個飯盒。飯底是炒飯底，不是白飯，飯底乾爽豬扒份量都多，而且預先切好一條條，每條都厚切，肉質軟嫩唔會乾柴柴。豬扒有雞蛋汁包裹住。醬汁足夠，個人喜好食法，在加辣椒渣/XO醬渣，酸酸辣辣，相當惹味。飲品是奶茶，外賣嚟講都算大杯👍🏻由於我唔係堂食，所以環境同服務我畀四星好了。…查看更多

当日吃的是花甲海鲜汤饭(具体名字不太记得)。吃剩一颗闭合的花甲，打开发现是黑乎乎的一坨粘稠物质。闻起来一股臭味。不清楚是变质的花甲肉，还是没有清理干净的淤泥。虽然吃完以后身体没有不不良反应，但着实恶心。图片是网上找的相对符合实物的图片，因为当时有点反胃只想快点离开没有拍照(现在想想后悔没拍照)。实物要更黑更恶心。。。加上服务态度奇差，一言难尽，具体参考其他差评。。。再也不会去龙城冰室了。。。希望劝退一位是一位。…查看更多

服務態度真係差到無法以言語形容，嘢都未吃完就有意無意咁趕你走！冇嘢啊嘛！咁樣對消費者？！！由於本人唔小心帶唔夠cash ，企係門口附近正同frd 夾緊錢嘅時候，個啊姐好惡咁講：咩啊！你哋冇錢比啊，行開一邊搞啦，唔好阻住曬！哇！佢個種語氣和態度好似我哋係特登吃霸王餐咁囉依間嘢唔會再有第二次！…查看更多

周圍好多餐廳諗住求其入一間試下，點知就中伏了。價錢貴，食物質素唔掂，而且店員態度極差，好似得罪左佢祖宗18代咁，全程西面OMG，咁樣既餐廳竟然可以開到幾間分店。…查看更多

服務勁差，見幾年來有人投訴幾次都好，果幾個老屎忽都仲係度，勁影響觀感。叫一個外賣，交涉四五次都冇人理會，仲好串咁"幫你唔到""外賣APP嘛，一系就另一間, 冇啦""出去啦，唔好阻住"等等，投訴左外賣APP都冇用，對方嫐返D嘅客服。19:43分應該要拿到嘅外賣，等到所有人走晒，20:20分先拿到，五六個人企門口行來行去，冇人做得到野，如果外賣做的咁唔情願，唔好做啦，咁嘅東西整臭香港名聲。…查看更多

耐唔中🌳過黎食番個早餐B，光速上餐難得係暖同熱👍🏻大片牛肉爽啊，腸仔煎吓係唔同，炒蛋綿滑，牛角包脆香，奶茶掂啊😋😋😋😆😆😆繼續喺人龍持續增加中…查看更多