龍莊

營業中

休息中

14號中午同屋企人喺屋企附近食晏，呢幢商廈前身係唐樓，12:30到達，門口都企咗一啲人等位，一位身穿黑色衫嘅男仕好快安排咗一張枱俾我；我第一次嚟，喺度研究緊餐牌嘅時候，另一位着黑色衫嘅中年女子走過來，以急促嘅語氣同我講：用膳時間由入座起計1小時，當時我坐低咗大概5分鐘，我就問係咪未食完都要走，佢回應門口已經寫到清楚只限一個小時（當時我入嚟嘅時候確實睇唔到，其實亦都冇打算坐好耐，食完就會走；咁我話我睇唔到，入嚟嘅時候你個同事都冇講到。跟住佢好冇禮貌哋重複又重複，我都唔想同佢。我哋點咗兩個燉湯，一個蛋白蔥油炒飯，小棠菜，鳳爪牛肚同樟茶鴨，除咗牛肚有陣酸味外，其他都唔錯。同餐廳嘅員工反應牛肚有酸味。當時招呼我哋入咗嘅黑色衫男員工好快就過嚟同我哋解釋嗰個係原本嘅味道，我回應佢係唔慣呢陣味，因為係一種變壞嘅味道；佢亦都理解，幫我哋轉左另外一款點心。總括嚟講，呢間餐廳嘅小菜唔錯，可以再幫襯，但係各位你經理嘅態度真係令人不可恭維，我唔明佢點解要喺估吓啱啱坐低嘅時候，就以一種非常無奈不斷提醒要一個小時走，令人十分討厭，真係唔明白佢點樣去帶領餐廳嘅員工，自己都唔識待客之道。