淥鼎記

營業中

休息中

周末前夕約朋友打邊爐，食物美味兼服務優質，令我地度過咗一個愉快既晚上～一坐低就嚟個小食拼盤。花生有甜有鹹；香醋木耳十分爽口，不會過酸，好開胃；炸雞粒有原味和辣味，超惹味；同樣好味嘅仲有雞翼尖，調味做得好好，十分開胃。醬料選擇多，令人驚喜係有腐乳揀🤩我哋叫咗嗰芫荽皮蛋豆腐鍋，清清哋，可以消熱氣。嗰鍋好大鍋，未落餸前飲幾啖，十分鮮味。手工餃種類繁多，款款都餡料豐富，隻隻都脹卜卜。蔬菜方面，我夾咗好多萵筍同淮山，好脆口，又唔會好似菜咁吸晒啲油，夠晒健康。我同朋友一人一舊粟米，粟米非常清甜。肉類就掃Qr code落單，翻點咗幾次牛肩胛同肥牛😂丸類有好多選擇，個人最推介麻辣牛丸。始終打邊爐都係鐘意有啲辣嘢。麻辣牛丸完全滿足到想食少少辣野嘅胃口，牛丸多汁，不會太辣，屬於微辣程度。飲品方面，飲咗自家製既竹蔗茅根同洛神花茶，十分解濟。