House of Joy Oyster Bar and Restaurant

營業中

休息中

House of Joy Oyster Bar and Restaurant 係我同同事想食好耐但仲未食過嘅一間餐廳，嗰日我哋就約好放工後一齊嚟呢度食晚餐。食物嘅味道非常高級，餐廳嘅環境亦都好有水準，令我哋享受到一個美好嘅晚餐。烤焗西班牙伊比利亞羊扒配自家製羊肉腸，紅菜頭蓉，羅勒莎莎 $338擺盤方面非常有心思，賣相好精緻，羊扒肉質鬆軟，口感極佳。自家製羊肉腸亦都係亮點之一，食落去有嚼勁，又容易咀嚼，係一道滿分嘅菜色。美國頂級牛腹肉12安士 $378唔需要調味都已經好好食，因為牛肉味好強烈，肉質富有彈性，口感好嫩滑，真係好好食。烤原隻西班牙墨魚配墨魚汁意大利飯，法式燴蕃茄蓉 $428原隻墨魚十分大隻，而且肉質鮮嫩，非常入味。意大利飯配上法式燴蕃茄蓉，酸酸甜甜嘅味道，口感極佳。香煎法國鵝肝配法國甜包，蜜糖黑醋烤無花果 $188鵝肝入口即溶，充滿咗蜜糖黑醋嘅香味，個香味將鵝肝嘅味道提升到另一個層次，係一種高級嘅享受。