影片
更多
2023-06-06
728 瀏覽
樂富終於再有一間拉麵舖，頭先試咗。可能新開張，感覺職員仲未好熟流程。樓面見餐廳有位就放人入去，完全無顧及廚房出餐能力，等食嘅客遠多過食緊麵嘅客。偏偏餐廳採取先付款後送餐模式運作，又令客人無法取消訂單只能繼續呆等，我碗麵22分落單，嚟到係46分，前後等咗24分鐘。舖位本身係半開放式，面積不大。隔離就係樓梯同扶手電梯，都係人流多嘅地方。偏偏舖頭不停播住日本歌，結果嘈上加嘈，唔播歌反而更好。講返食物本身，叉燒好食，溏心蛋入味，呢兩樣嘢係令我加分的。但由於點餐紙或者圖片顯示到生芽菜1倍至4倍嘅份量。我點咗4倍，結果要攞多隻碗夾開生芽菜先勉強夾到麵，而且食咗一半我就已經開始飽，下次應該會只叫1倍。我個人較喜歡食幼麵，因為掛湯能力比粗麵強，但佢哋用嘅係粗麵，好在麵質唔差。我諗再遲三兩個月等職員run熟啲間舖，再試其他。
可能新開張，感覺職員仲未好熟流程。樓面見餐廳有位就放人入去，完全無顧及廚房出餐能力，等食嘅客遠多過食緊麵嘅客。偏偏餐廳採取先付款後送餐模式運作，又令客人無法取消訂單只能繼續呆等，我碗麵22分落單，嚟到係46分，前後等咗24分鐘。
舖位本身係半開放式，面積不大。隔離就係樓梯同扶手電梯，都係人流多嘅地方。偏偏舖頭不停播住日本歌，結果嘈上加嘈，唔播歌反而更好。
講返食物本身，叉燒好食，溏心蛋入味，呢兩樣嘢係令我加分的。但由於點餐紙或者圖片顯示到生芽菜1倍至4倍嘅份量。我點咗4倍，結果要攞多隻碗夾開生芽菜先勉強夾到麵，而且食咗一半我就已經開始飽，下次應該會只叫1倍。
我個人較喜歡食幼麵，因為掛湯能力比粗麵強，但佢哋用嘅係粗麵，好在麵質唔差。
我諗再遲三兩個月等職員run熟啲間舖，再試其他。
張貼