岡山一番店 (樂富廣場A區)

過往來過都係食玉子🍜拉麵, 小盛同中盛都食過, 多數都會加多d芽菜😃, 今日想轉下第二個款😋, 要左☘️芫茜🍜拉麵, 原來可以走辣, 二倍芽菜, 揀左淡味醬油, 淡味油濃, 少蒜🧄, 麵要普通質地, 另外加左只溫泉蛋🥚, 等左一陣拉麵送到, 小盛都已經好夠😃, 二倍芽菜都好多, 而且唔係普通芽菜😂係粗身的肥仔芽菜🤩, 飲啖湯先, 淡味少蒜🧄係最啱我😅👍, 有味之餘又唔係過咸, 對我來説, 少少味已經好啱👍👍我個人就覺得剛剛恰到好處😍如果重口味就會揀濃味及多蒜😂, 之後將麵🍜浸下湯先食, 佢d麵比較粗身, 食落有點像上海麵😘, 再夾d芽菜, 食落爽口, 不過原來有d芫茜☘️做襯托, 個湯飲到少少芫茜味, 飲落又幾香😆下次可以試下叫多d芫茜😋, 再之後食件叉燒🐷, 我個人覺得肥左少少, 不過咬落都鬆軟, 唔會好硬身, 食落都有肉的香味😃, 食晒成碗都幾飽, 但真係有点兒口渴🙄但想食拉麵又真係會想係依度呢😅🥰😍…查看更多

岡山一番店，試過都要講返句，二郎系拉麵個芽菜真係勁誇張！其實香港揀二郎系拉麵唔係好多，見到呢間又有得free加芽菜，貪得意同朋友去試，想知四倍會幾「癲」。結果一碗四倍芽菜真係嚇親，堆到成座山咁，兩個人一齊share都覺得好大壓力，簡直食極都未見底，食左十分鐘先見到麵，已經飽咗大半。講返正餐，麵質偏淋，比起日本二郎系正宗果啲煙韌感差啲，食落去冇咁彈牙，甚至我覺得淋咗少少。湯底有得自己揀濃淡味。如果唔係超級大胃王，正常點兩倍芽菜都夠飽，真係唔好亂挑戰四倍芽菜。雞蛋都幾滑，但唔係流心嗰種，算係有誠意啦。…查看更多

去樂富廣場食晚飯，行到A區見到呢間日本拉麵，見到入面仲有位，即管試一試。坐底之後填紙仔選食物，跟住到收銀先俾錢，再等拉麵送到。叫咗一碗岡山一番拉麵，最穩陣緊係每樣都選普通， 湯選普通，油選普通，麵選普通硬度。都等左好耐，終於碗麵送到，先飲一啖湯，點知個湯仲鹹過直接食鹽落口，跟住食麵，麵又煮到好硬。另外叫咗一碗芫茜辛辣拉麵，湯都係選普通，油都係選普通，麵就選硬，點知個湯一樣係鹹到飲唔落，反而麵又無咁硬，咁嘅水準，真係好難再食。…查看更多

我哋一行三個人去咗食，一個叫咖喱麵，另外兩個叫原味湯，面嘅硬度選擇都係普通 。上到嚟個醬油湯太鹹，面好硬，仲有少少生食唔到，肯定同出面食開嘅普通硬度唔同，就算面粗啲都咁話。同經理溝通過，佢再同廚師溝通過先肯幫我哋再拎個麵去煮，煮完之後先係啱啱好嘅普通硬度，點知隔籬枱個媽媽見到我哋可以拎個麵再去煮，佢又叫店員拎去再煮，佢話本身唔知可以搵廚師再煮耐啲，佢仲特登叫多咗一個麵俾小朋友食，即係只係我哋都覺得個面太硬食唔到 。約莫大半年前食萬事都坐滿，依家等都唔使等可以即刻入去食冇以前咁好食 。…查看更多

平時拉麵閒閒哋都80幾蚊一碗，呢度竟然可以係用$59嘅價錢食到一碗拉麵，仲要係幾大碗，真係估佢唔到。佢呢度可以有size 比你揀，真係要慎選，女仔正常食量嚟講，其實小盛已經好夠，大果d 真係超級大碗，如果一大班人分享，或者打吓卡都可以叫碗大嘅一齊share.🍜🍜🍜呢度芽菜可以最多免費添加×4倍份量，我鍾意食菜，於是一於加盡佢，送到上嚟真係勁澎湃，仲要係最平嘅都可以免費添加芽菜，正！加埋咁多芽菜，一定食得飽，佢嘅味道都幾好，同埋其實都有其他唔同口味嘅選擇，價錢都非常合理🍜😋😋😋抵食之選…查看更多