影片
更多
2021-05-09
785 瀏覽
今日適逢母親節，同屋企人一家去「蟹膳」共進晚餐。當我一星期前book位嘅時候，侍應冇同我講過有關於每張檯限制嘅用餐時間。而今日入座嘅時候，亦冇侍應同我哋再次提出有關於用餐時間。我哋本來都食得好盡興，喺set menu 嘅一道菜同一道菜之間，都有空閒時間去傾偈，因為要等下一道菜上菜。點知，去到食蟹肉火鍋嘅時候，突然間就感覺到佢哋越來越急嘅感覺。我哋都盡應佢哋嘅要求同步開始煮火鍋同埋煮蟹粥。但由於煮蟹粥需要最少20分鐘，當佢哋煮完碗粥嘅時候，已經距離所謂嘅「用餐時間」得返最後15分鐘！因此當上甜品嘅時候，就已經有侍應/主管每2分鐘過嚟同我哋講要食快啲。我哋都已經盡量將雪糕同埋薑茶倒落個肚，但始終非常之熱真係好辛苦。但仲要有侍應企喺我哋張枱側邊望住我哋飲同食。所以我哋反問，點解隔離張枱有兩位顧客俾我哋早15分鐘食完，而且佢哋嘅食物都已經打包好，仲要坐喺度不斷同啲侍應同經理傾偈，點解唔可以請佢哋先行離開呢？餐廳嘅答案竟然係因為嗰張卡位係坐唔到四個人嘅，但明明餐廳內嘅其他卡位就係四人枱！大細超都唔使咁嚴重呀？😤😤😤我明白餐廳想喺大時大節返多幾轉枱，但餐廳由頭到尾都冇同我哋講講過所謂嘅用餐時間係幾
我哋本來都食得好盡興，喺set menu 嘅一道菜同一道菜之間，都有空閒時間去傾偈，因為要等下一道菜上菜。
點知，去到食蟹肉火鍋嘅時候，突然間就感覺到佢哋越來越急嘅感覺。我哋都盡應佢哋嘅要求同步開始煮火鍋同埋煮蟹粥。但由於煮蟹粥需要最少20分鐘，當佢哋煮完碗粥嘅時候，已經距離所謂嘅「用餐時間」得返最後15分鐘！
因此當上甜品嘅時候，就已經有侍應/主管每2分鐘過嚟同我哋講要食快啲。我哋都已經盡量將雪糕同埋薑茶倒落個肚，但始終非常之熱真係好辛苦。但仲要有侍應企喺我哋張枱側邊望住我哋飲同食。
所以我哋反問，點解隔離張枱有兩位顧客俾我哋早15分鐘食完，而且佢哋嘅食物都已經打包好，仲要坐喺度不斷同啲侍應同經理傾偈，點解唔可以請佢哋先行離開呢？餐廳嘅答案竟然係因為嗰張卡位係坐唔到四個人嘅，但明明餐廳內嘅其他卡位就係四人枱！大細超都唔使咁嚴重呀？😤😤😤
我明白餐廳想喺大時大節返多幾轉枱，但餐廳由頭到尾都冇同我哋講講過所謂嘅用餐時間係幾耐！而成個set menu 嘅烹調同上菜時間都係由廚房去決定，我哋從來都冇插手或拖延。而我哋亦相信各位顧客都俾咗唔少嘅錢去享受呢一個晚餐體驗，無一位顧客會想俾人三催四請。所以我哋對於今次嘅餐飲體驗真係感到非常之失望。
澄清番先，今次嘅食物同埋飲食體驗其實係良好，蟹係好新鮮，同埋烹調手法都唔錯。另外我哋嘅侍應哥哥亦非常之有禮貌同埋好樂於解答我哋嘅問題。只不過係比最後尾嘅嗰一段體驗影響咗我哋對呢間餐廳嘅印象。
海膽蟹肉粥
127 瀏覽
0 讚好
0 留言
張貼
