35
16
4
餐廳: 意蠔屋 (千禧閣)
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
等級1
3
0
食物不俗，侍應有待改善
2011-02-20 25 瀏覽
聽到呢間野有不錯食評，一家人決定今晚去試吓，叫左兩份SET DINNER，雞扒長通粉，雞扒煎得好香，好值得一試，一個雜菌燴牛脷意粉，味道好好，稍嫌份量少D，另外叫一個焗意大利海鮮意粉同焗大蝦波菜意粉，不過不失，所謂大蝦當然唔係「大」啦，但可接受。點解全部都係意粉呢? 話說有位女侍應落單，我地問SET DINNER可唔可以轉飯，佢話今晚無飯，原本我係諗住叫焗海鮮意大利飯，我問佢係咪MENU D飯都無，佢答係，咁唯有叫大蝦意粉，個女侍應拎野黎「拍」一聲放喺度，唔講係乜，D白汁野碟碟差唔多，問佢係乜佢居然唔知，餐廳環境其實好擠迫，都唔叫客人小心，就咁無啦啦「拍」一聲放喺度，拎住D熱飲又係無叫客人小心，如果客人傾計時手郁吓做吓動作，隨時比佢淥親，呢個女侍應基本要求都符合唔到，最精彩係食到尾時，一位男侍應拎錯左碟焗意大利海鮮飯黎，我地問佢又話無飯既﹖佢話無「飯」，有意大利飯，大佬呀，嗰位姐姐攪咩呀，我就係想食意大利飯，我知係另一種米，但我都問清楚，你應該放MENU時已經要提一提我地，今晚無「飯」，或者試吓意大利飯，呢樣已經無提，到我地問清楚係咪MENU D飯都無你都答係，真係有無攪錯。總括黎講呢
更多
聽到呢間野有不錯食評，一家人決定今晚去試吓，叫左兩份SET DINNER，雞扒長通粉，雞扒煎得好香，好值得一試，一個雜菌燴牛脷意粉，味道好好，稍嫌份量少D，另外叫一個焗意大利海鮮意粉同焗大蝦波菜意粉，不過不失，所謂大蝦當然唔係「大」啦，但可接受。

點解全部都係意粉呢? 話說有位女侍應落單，我地問SET DINNER可唔可以轉飯，佢話今晚無飯，原本我係諗住叫焗海鮮意大利飯，我問佢係咪MENU D飯都無，佢答係，咁唯有叫大蝦意粉，個女侍應拎野黎「拍」一聲放喺度，唔講係乜，D白汁野碟碟差唔多，問佢係乜佢居然唔知，餐廳環境其實好擠迫，都唔叫客人小心，就咁無啦啦「拍」一聲放喺度，拎住D熱飲又係無叫客人小心，如果客人傾計時手郁吓做吓動作，隨時比佢淥親，呢個女侍應基本要求都符合唔到，最精彩係食到尾時，一位男侍應拎錯左碟焗意大利海鮮飯黎，我地問佢又話無飯既﹖佢話無「飯」，有意大利飯，大佬呀，嗰位姐姐攪咩呀，我就係想食意大利飯，我知係另一種米，但我都問清楚，你應該放MENU時已經要提一提我地，今晚無「飯」，或者試吓意大利飯，呢樣已經無提，到我地問清楚係咪MENU D飯都無你都答係，真係有無攪錯。

總括黎講呢度值得一試，但如果想食飯，就要問清楚有無飯，仲要有咩「飯」同無咩「飯」呀!!!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2011-02-20
等候時間
5 分鐘 (堂食)
人均消費
$60 (晚餐)