意蠔屋 (千禧閣)

評分 75/100最近在下午茶時段探訪了一間歷史悠久的西餐小店，店內裝潢充滿復古風情，讓人彷彿穿越時光。這裡的牆面以白色磚塊和瓷磚為主，略帶粗獷的質感，牆上掛滿食物照片，展示店內招牌菜，雖然佈置稍顯雜亂，但透出一種老派餐廳的親切感。橙色軟墊長椅搭配木質桌面，營造出溫暖的懷舊氛圍，牆上的壁扇、冷氣機和飛鏢棋盤更添幾分生活氣息。不過，電線外露和設施略顯老舊，顯示出這間老店未經大規模翻新，適合喜歡復古情調的食客，但對追求現代感的顧客來說可能稍欠新鮮。這次點了店內的經典白汁煙肉螺絲粉，賣相中規中矩，螺絲粉均勻裹上奶白色白汁，點綴少量煙肉丁和芝士碎，視覺上有些層次，但整體略顯單調，缺少綠色蔬菜或香草點綴，未能提升色彩對比和鮮活感。煙肉分佈均勻，可惜份量不多，未能完全突出其風味。味道方面，白汁濃稠，奶油和芝士的香氣濃郁，口感滑順，搭配煙肉的鹹香和嚼勁，帶來不錯的層次感。不過，白汁略為厚重，稍蓋過煙肉的風味，後段吃起來有點膩口，芝士碎雖然增添了鹹香，但份量偏少，未能讓味道更豐富。若能加入新鮮香草或蔬菜，相信能提升整體的視覺與味覺體驗。服務方面，店員態度親切，招呼周到，上菜速度也很快，適合下午茶時段想快速用餐的客人。價格方面，白汁煙肉螺絲粉不算貴，性價比尚可，符合這類老式西餐小店的定位。整體而言，這間小店的懷舊氛圍是其最大特色，食物味道中規中矩，適合喜歡復古風情、追求簡單西餐的食客。若店家能在裝潢上稍作整理，並在菜式上增加一些新鮮元素，相信會更有吸引力。綜合環境、食物和服務，我給這次體驗75/100分，值得一試，但仍有進步空間。…查看更多

週末媽咪罷工話唔想煮飯啦，晚餐我地一家出去食，呢排乜餐都食過啦，小朋友話想食意粉同雞亦，我即刻霖起屋企附近既意蠔屋就可以滿足曬佢地既願望啦🍗瑞士雞亦肉醬意粉：瑞士汁濃郁，雞亦煮得好入味，意粉軟硬適中，肉醬分量足。🥩芝士燒牛舌牛柳意粉：牛舌惹味，牛柳軟滑，醬汁香而不膩。🍝番茄三文魚鴨胸意粉：呢個系我最常點既，一直保持水準鴨胸同三文魚煙薰味飄香，醬汁夠濃。🍤芝士大蝦豬柳焗飯：整個焗飯都鋪滿佐芝士，焗過芝士非常焦香，豬柳嫩滑。環境：店鋪唔算大，只有6.7張台，不過環境裝修好溫馨，感覺幾親切溫暖。呢間鋪頭開佐好多年，一直都有幫襯開，品質同服務一如既往好…查看更多

嗰日食咗一個特價午餐。 大約68蚊。系一個湯，一個正餐同一杯飲品。羅宋湯味道真係唔錯，唔係淨系蕃茄膏打出嚟嘅湯，我叫咗個煙三文魚煙燻鴨胸茄汁天使面，意粉都好大份同埋都好足料。真係覺得都幾正。但係服務就不過不失。再時間都會再去。遲啲再去試過其他嘢食。但係我諗平時都要等，因為座位唔多。因為我嗰日去系已經過咗午餐時間。所以可以直接去坐唔使等，嘢食都好快。如果我冇記錯過兩點半之後有特價下午茶餐。都有唔少選擇。…查看更多

估唔到係由西區人介紹返我呢個東區之友去食😂 價錢超實惠，店面細細好多人幫襯。口味方面係細細個食開嗰種唔正宗但食得好開心嘅個港式西餐風味咖哩牛柳焗飯（加芝士）- 咖哩係偏甜同奶味帶啲南洋風，小朋友食都唔會刺激，牛柳滑仲有薯角，好豐富！唯一要減分係個飯唔係炒飯底~芝士焗生蠔 - 鹹鮮嘅味道，生蠔唔係好大但係焗完唔會縮曬仲係保持到嫩滑口感~肉醬意粉配瑞士汁雞翼 - 要讚下佢哋嘅雞翼超厚肉，瑞士汁滷得入味。同肉醬意粉又竟然夾喎~ 午市連餐湯加嘢飲先50蚊 （晚市都係53蚊，大癲）呢個價錢真係抵到不得了！…查看更多

意蠔屋係西灣河都好多年不過一直冇機會食好耐冇食千層麵突然好想食但附近好少有得買即使有 西餐都比較貴無意中發現原來意蠔屋有重點係唔算貴鼻以就買咗一個外賣試下都幾好味如果個門口唔係用膠簾就更好…查看更多

抵食+好食［平民西餐廳］今晚同女女上完課外活動，就同老公女女，就黎咗×意蠔屋×，估唔到咁好食😋，我地叫咗：蜜糖雞肉凱撒沙律$45芝士焗西蘭花$34香草汁魚柳雜菌意粉$62芝士焗海鮮千層麵$62蜜糖雞肉凱撒沙律，個雞係分開開上，一放底我地為黎錯咗😅，正確黎講唔係雞肉，係雞扒先岩，個蜜糖雞扒估唔到咁好食，芝士焗西蘭花個底係有薯蓉的，食哂西蘭花先見到🤭，香草汁魚柳雜菌意粉，個香草汁好正，女女好like🤩，芝士焗海鮮千層麵，海鮮算多，餐廳野食份量都幾大份，而且餸都唔少，基本上樣樣野食都好好味。🙂…查看更多

叫得做意蠔屋 當然就係要嚟食蠔🦪芝士焗珍珠蠔意粉真係超正😍蠔都唔細隻 肥美juicy🤩加埋啲白汁欺士醬 超惹味✨焗意粉都好香口 軟硬度適中 加埋啲蘑菇粒粒好正🥰❤️…查看更多

以前喺呢度附近返工就成日過嚟食，自從轉左工就好耐都冇再食，我今日經過竟然見到佢有堂食🤩叫左白汁煙鴨胸意粉同芝士蜆肉蘑菇飯，都係中意食焗飯多啲，啲芝士好正😍同埋下午茶都好抵食$38-42👍🏻👍🏻…查看更多

男友今日帶左我去試呢間佢成日都會翻食既街坊小店，主打焗飯意粉同埋蠔。.晚餐跟餐有紅白湯送，紅湯落足料去煲，有好多蔬菜紅蘿蔔，味道夠酸夠濃，亦飲到有牛肉味。✨芝士焗珍珠蠔蟹棒闊條麵闊條麵煙韌有咬口而且份量都幾多，白汁同芝士鋪得好滿，所以絕對唔怕食到最尾唔夠汁會無味。蟹棒同埋蠔既質素不過不失。另外仲叫左一份焗千層麵，是即叫即焗的，上枱時仲喺熱辣辣。面層芝士焗到好香，入面有幾隻爽口彈牙既蝦仁，味道唔錯。✨芝士焗蠔焗蠔大大隻，焗完都仲好juicy 又啖啖肉，面頭既芝士份量多到漏，味道唔錯。不足地方喺餐廳座位少同埋偏窄，所以見唔少街坊都喺幫襯買外賣，拎返屋企慢慢食。…查看更多

舖頭地方比較細，但比期爆滿，我地多數都會外賣返屋企食，今次外賣自取左份燒汁鴨胸蘑菇天使麵，配忌廉湯加凍檸茶😙未食過燒汁配鴨胸，估唔到味道又唔錯，天使麵亦吸晒燒汁味道，帶點日式的感覺👍🏻 忌廉湯湯香濃多蘑菇粒，入口有份量夠口感，值得一讚，天使麵亦份量充足，麵軟硬度適中👍🏻仲有其他焗飯或咖喱都唔錯，中午lunch set都幾抵食，行過不防試吓👍🏻…查看更多

政府の営業時短に基づいての持ち帰り。今回は、チーズ、ほうれん草、シジミのリングイネを注文しました。時間も待たせず、量、価格、味のバランスがとても整ってる。こういうのをコスパに優れるっていうんでしょうね。…查看更多

港式焗飯呢間舖頭唔係太大間，食物價錢唔貴，仲有好多焗飯意粉選擇。我就叫咗最經典既焗豬同肉醬意粉，兩個都係四十幾蚊。但焗豬就有少少失望，唔係太夠汁撈飯，飯都係普通白飯，冇炒過，豬扒唔係話太吸引。但係個肉醬意粉就有少少驚喜，比焗豬好食好多，芝士都落得好足。推薦芝士肉醬意粉但係焗豬就一般般。白湯飯落成口粉，比較建議飲紅湯。Inexpensive food, good choice for lunch. I would recommend getting pasta instead of rice.…查看更多

同朋友約左係筲箕灣食飯，月尾冇乜錢，但又想食好啲，就簡左E間意蠔屋，見佢好多好評，又平咁黑椒汁肉眼牛扒配薯菜 （$78）無估到會有咁大塊扒雖然佢都幾薄，但咁嘅價錢差不多了～黑椒汁調味適中，而且牛肉亦唔韌，感覺都唔係落左太多鬆肉粉～嗯，不錯不錯。薯角外層炸得脆口，加左七味粉，不過唔食得辣嘅我就覺得有啲辣了🤭🤭另外晚餐都有包餐湯同餐飲～朋友叫左忌廉汁大蝦石斑意粉 （$68）佢太心急食左，所以冇影到🙈 E個意粉相對上就較失色了，忌廉汁令到個意粉好飽濟咁，而且大蝦係得一隻。所以就差左小小了。總括而言，係平價西餐之選😛…查看更多

落雨唔想行咁遠, 行過見到有野啱食就入左去. 叫左個lunch set, 四十幾蚊有主餐加湯同飲品算係咁. 本身以為會係薄果種雪藏豬柳, 上菜時見到係厚身既, 幾有誠意. 豬柳唔un, 食落似豬扒質感. 意粉軟硬度適中, d汁夠多, 食落啖啖都有濃濃既黑椒味. 份量都夠飽.…查看更多

防疫期，下雨天，食客少，今天來‘意蠔屋’堂食午餐！果然，幾乎包場！母子二人各自order：- 煙三文魚白汁菠菜意粉 + 忌廉湯+凍檸茶 HKD58 + HKD3（凍飲）看圖就吸引吧！味道也合胃口，兒子輕鬆掃靜！- 芝士焗大蝦蘑菇長通粉+ 忌廉湯+咖啡 HKD52.- 足量的通粉，彈牙的大蝦，濃香的蘑菇...好豐富的一盤！可惜我食量有限，食盡精華，餘留些許...😜既然是‘蠔’屋，怎能不試一下招牌’蠔‘！- 芝士焗蠔：HKD52.-/ 2件 午餐買單HKD165.-/2人，好飽，晚餐都可以慳返了😍…查看更多