Casamigos

營業中

休息中

即興Walk in 銅鑼灣 Casamigos, 餐廳有分室內同室外座位，由於店員經常打開玻璃門進出，室內同室外溫度幾乎一樣， 非常悶熱。食物嗌左西班牙海鮮飯、鵝肝多士、番薯薯條、八爪魚沙律，整體來說食物表現一般，同價位嘅話可以有更好選擇。海鮮飯飯粒軟硬適中，但係個飯冇乜味，似食緊無味risotto。鵝肝多士：多士係香脆嘅、鵝肝正常味道不濃郁，搭配的醬料未能提升整體風味。番薯薯條炸得香脆，番薯薯條醬味道偏鹹，整體無突出之處。八爪魚沙律則口感尚可，八爪魚尚算爽口、如果沙律菜以片上取代成棵上碟嘅話 ，醬汁就可以更加均勻覆蓋 ，就唔會一啖鹹一啖無味。食物普通唔係最大問題，最大問題係 熱到爆！ 冷氣唔夠，室內焗住焗住，坐低幾分鐘就開始覺得出汗，成個用餐過程都係同熱氣搏鬥。🥵如果大家想體驗焗桑拿式用餐，不妨一試。