影片
更多
2020-05-24
418 瀏覽
因為有coupon去食午餐，已預早訂枱，打電話訂枱半小時先有人接，去到當然訂左都要等啦，大部分員工面黑，一腳踢，接待，聽電話，帶位，執枱都係同一個人做，明白做到忟，樓面唔夠，落但以落單既紋身後生最差，我未講食咩，已收餐牌同想擰轉身閃人，最慘係佢負責講解點食隻鴨，求其到不得了，我完全聽唔到佢講咩，我係香港人，佢唔係講野唔正，係又快又懶音到聽唔到，放餐具聲響好大，仲飛碟落枱，連筷子都飛左落地，但無主動比返一對筷子我地，感覺係去左茶檔或屋村茶樓，sorry,屋村茶樓或大排檔服務可能好過佢地，但佢係海港城囉。環境係好靚，好高級，可惜成個格調因員工降低晒，好啦，講返食物，我地2個人叫左半隻鴨，一個櫻花蝦蒸飯，好好食，夠晒飽，油香滿口，令人回味，最出色係醬料同爆炸糖，就算蒸飯都做得好好，埋單5百幾元，有coupon絕對抵食，呢間服務九流，但我係好回味會個味道，會再返去再食
北京填鴨
17 瀏覽
0 讚好
0 留言
張貼
