影片
更多
2023-09-10
77 瀏覽
黑雨後第一個晚餐，泰中意由大圍食到去大水坑，因為食物真係令人「太鍾意」。食物依然有十分水準，青咖喱雞撈飯，黃咖喱豬頸肉加蒜蓉包，Pad Thai，串燒，燒魷魚，每碟都係10分。不過啲服務態度，真係九流。我地夜晚6:30入席。6:45已經點好菜，啲餸係逐碟逐碟黎。都唔緊要，小店人手唔夠，明白既，但係上啲食物無考慮個timing。黃咖喱黎既時候，無蒜蓉包同薄餅。要催，隔一陣先黎。最令人嬲既係，6:45點好菜，當時個餸有一碟係馬拉盞炒椰菜苗，同有碟燒魷魚，隔一陣話無椰菜苗，咁ok既，我地就要求轉馬拉盞炒通菜，當時係話有既。但呢兩碟菜一路都唔上，到其他菜都食完，等左一段時間都未上呢兩碟，我地就問下，問左幾次一路都係講煮緊。到8點15分左右，我地再催一次，响入面個老闆娘就大叫話「你上得唔話我知？」我地都「吓」左聲，之後一個女伙計出黎話無通菜喎，我地再再「吓，咁有咩菜？」，佢話得返「雜菜」。我地決定唔要碟炒菜。到最後魷魚上埋食完就拿拿林埋單。另加一段小插曲，我地隔離枱同我地差唔多時間入席，聽佢地講野有幾個（定1個）係類似回流之類既人，一路都等緊唔同菜上，同我地一樣不段催唔同菜，跟住最後佢地再想叫個
食物依然有十分水準，青咖喱雞撈飯，黃咖喱豬頸肉加蒜蓉包，Pad Thai，串燒，燒魷魚，每碟都係10分。
不過啲服務態度，真係九流。
我地夜晚6:30入席。6:45已經點好菜，啲餸係逐碟逐碟黎。都唔緊要，小店人手唔夠，明白既，但係上啲食物無考慮個timing。黃咖喱黎既時候，無蒜蓉包同薄餅。要催，隔一陣先黎。最令人嬲既係，6:45點好菜，當時個餸有一碟係馬拉盞炒椰菜苗，同有碟燒魷魚，隔一陣話無椰菜苗，咁ok既，我地就要求轉馬拉盞炒通菜，當時係話有既。但呢兩碟菜一路都唔上，到其他菜都食完，等左一段時間都未上呢兩碟，我地就問下，問左幾次一路都係講煮緊。到8點15分左右，我地再催一次，响入面個老闆娘就大叫話「你上得唔話我知？」
我地都「吓」左聲，之後一個女伙計出黎話無通菜喎，我地再再「吓，咁有咩菜？」，佢話得返「雜菜」。我地決定唔要碟炒菜。到最後魷魚上埋食完就拿拿林埋單。
另加一段小插曲，我地隔離枱同我地差唔多時間入席，聽佢地講野有幾個（定1個）係類似回流之類既人，一路都等緊唔同菜上，同我地一樣不段催唔同菜，跟住最後佢地再想叫個芒果糯米飯。跟住個伙計話，你超過左90分鐘，超左時唔可以再叫喎，佢地就話係你啲野遲黎喎，我地等都等9個字。其實見佢地個枱啲野食都未食完，可能覺得唔夠先再叫。個下我地都o哂咀，因為真係我地都親身經歷啲野等好耐。
其實疫情期間都去過一次，個時上菜速度都麻麻，態度都麻麻，今次真係再次見識到咩叫「今時今日咁既服務態度係唔得架」。有陣時真係唔可以怪香港人唔留港消費，無論係飛去外國定北上，尤其係飲食業，不斷趕走緊自己既生意！真係唔洗搞咩夜市，訓練返啲服務質素返黎，市道起碼好返一半！
0 瀏覽
0 讚好
0 留言
張貼
