至尊雲吞麵雞煲

營業中

休息中

好耐無食過雞煲，黎到門口職員好熱情推介，諗左一陣就入去試吓啦，開頭比既炸饅頭係正常好食既，諗住會有驚喜啦，點知隻雞煲一上，入面係炸出嚟既雞，我哋見到一肚氣，我哋無諗過係比炸雞，食落去隻雞又鞋口又乾身又無醬汁，要食炸雞不如食麥當勞，起碼啲雞肉滑既，食左一半，我哋頂唔順叫加湯算啦，加完個湯又無味，好似滾水打邊爐咁，放棄唔食啦，成個過程都係半個鐘，我哋唔介意比好啲價錢食個好既雞煲，我哋唔需要任飲任食，只係需要質素，問個職員點解係比炸雞，問左兩次，佢話係啊，炸完再加汁😂再問另一個職員，佢話想客人試下乾炸同汁既口味？下？應該無人中意食炸雞得黎又乾又鞋口掛，希望老闆改善下啦🙏🏻