至尊雲吞麵雞煲

餐廳主打任飲任食雞煲打邊爐🥘平日每位$188性價比極高💯但唔包括收費小食及啤酒🍺至尊惹味雞煲🐔🍲今次主要係食惹味雞煲，上枱後店員會幫手將已醃製好的雞件同芫茜、芹菜、洋蔥🧅及蔥等香料炒至入味，雞件份量十足👍，叫左小辣🌶️，辣味程度可跟自己口味決定，每件雞件香辣惹味，啖啖肉好入味，不同部位的雞件食落有不同口感，友人鍾意食雞脾的位置肉質嫩滑啲，雞件食到七七八八可以用手機落單重點係無限加雞‼️，但想留肚打邊爐關係，只係再追加多一人份量雞件，平時唔係食肉獸的我，惹味雞煲令我忍唔住一件接一件😂炸饅頭🫓外皮炸到黃金香脆，內裡軟熟，再淋上煉奶一齊食真係冇得輸😋推介👍🏻打邊爐🍲食完雞煲後再加湯開始打邊爐屬雙重享受，火鍋配料超過50款選擇，包括有肉類，丸類，蔬菜及粉麵等，食完雞煲已有七成飽，所以打邊爐配料只叫左幾款黎食油炸鬼：好少見有油炸鬼，滾一滾就食得魷魚🦑：食落爽口彈牙，唔會韌芝士竹輪🫔：要小心熱咬落去食到芝士oppa魚板🍢：外形好似韓國的魚糕，唔想淋就唔好滾太耐娃娃菜🥬及粟米🌽：吸盡湯底精華辣辣地好惹味飲品任飲🥤除左罐裝汽水🥤外，仲有茶餐廳普遍飲品(咖啡，奶茶，檸檬茶及菜蜜等)，仲有豆漿及羅漢果杞子菊花茶等羅漢果杞子菊花茶：飲到淡淡菊花茶味，食完雞煲飲返杯清熱解膩…查看更多

荃灣鱟地坊行過，無意中撞到間好有氣氛嘅小店——至尊雲吞麵雞煲。朋友早就話佢哋個雞煲好惹味，今次終於親身試一試，點咗個「至尊野味雞煲BB辣餐」，真係一試難忘。🔥 雞煲登場：香氣先行，味道跟上 雞煲一上枱，香味已經撲鼻而來，嗅到都覺得肚餓。BB辣啱啱好，唔會辣到冒汗，但又夠刺激，令味蕾醒晒。雞件大大件，肉質嫩滑，醬汁濃郁但唔會死鹹，啖啖都係精華。食到中段，店員主動加湯，準備打邊爐，感覺好貼心。🍲 火鍋配料：每樣都係驚喜 打邊爐部分真係唔馬虎，配料選擇多到眼花。牛肉，牛滑，雲吞，水餃全部都好新鮮。食落口感層次分明；手打牛丸一咬爆汁，完全唔係普通貨色。 魚腩食得出係新鮮魚。🍹 飲品：清熱又解膩 食咁多重口味，飲品就要清新啲。羅漢果杞子菊花茶一入口就覺得涼晒，菊花香氣淡淡滲出，好啱打邊爐後飲返杯；檸檬菜蜜就酸酸甜甜，飲完成個人都醒神晒，仲有少少潤喉效果。如果你都係雞煲控，呢間店絕對值得bookmark落！😋…查看更多

這次我們去到荃灣的至尊雲吞雞煲吃兩小時的任飲任食雞煲火鍋餐，餐廳光猛企理，設有卡位座位寬敞舒適。當日看見不少附近的街坊在這裏吃晚餐，職員都很耐心服務他們，感覺充滿人情味呢！首先我們先吃雞煲，選了至尊惹味雞煲，點了小辣覺得可以吃辣一點，所以第二次加雞就點了中辣，吃起來更加香辣惹味，不過就要多喝飲品解辣了～碗裏寫的一句加雞啊！唔該！感覺很有趣盞鬼啊！而雞煲的雞肉質不錯，沒有雪藏味，而且大大件不會切得太細件而難於進食。吃完雞煲之後，職員就幫我們加湯開始火鍋了～這裏的火鍋配料多達50多款，不過兩小時都足夠我們嚐到大部份的食物了。最得我心的是✨炸饅頭加煉奶，炸得香脆金黃色的外皮，內裏是白色的饅頭，再加配甜絲絲的煉奶，吃得很滋味～還有油炸鬼，不過我今次太飽沒有吃到，但喜歡吃香脆的炸物的人點來吃最適合不過。麵方面有烏冬、紅薯粉、公仔麵和少見的竹昇麵。🍡丸類推介海鮮沙律丸，外皮好像魚片般的，內裏包着海鮮沙律醬。🍢Oppa魚板，好像韓國的魚糕和關東煮裏面的配料味道。🥟韭菜餃，韭菜味香濃，感覺足料。✨豬潤很鮮味。🥤飲品方面有一般罐裝的汽水，雖然選擇不算多，但有羅漢果杞子菊花茶、豆漿，以及平時茶餐廳即沖的咖啡、奶茶、阿華田、朱古力、檸檬茶等搭救，吃雞煲火鍋配搭這些飲品感覺很特別呢！·整體的食物味道都不錯，仼飲仼食免加一，當日還有九折優惠，人均大約$160，$200都不用，性價比高！而且餐廳營業至晚上12時，晚一點來吃都不用擔心吃得趕唷～…查看更多

喺荃灣覓食，竟然畀我發現咗一間性價比爆燈嘅 雞煲火鍋放題——「至尊雲吞麵雞煲」！平日 $178/位，假日都只係$198，就可以任食鮮嫩雞煲＋火鍋配料，仲有罐裝飲品＆茶記飲品任飲，真係抵到難以置信！環境舒適｜自助醬料區應有盡有店內座位闊落舒服，唔會逼手逼腳，又有自助醬料區，蒜蓉、蔥花、辣椒基本打邊爐醬料都有，仲有我最愛嘅芫荽！先食雞煲｜鮮嫩多肉任添任食主角 「至尊惹味雞煲」一上枱就香氣撲鼻！雞件份量十足，而且肉質鮮嫩多汁，醬汁惹味得嚟唔會過鹹，食完成個煲，店員仲主動問我哋要唔要免費加雞，真係大方！特別要讚嘅係，店員見我哋鍾意芫荽，竟然主動換咗個清新芫荽湯底畀我哋打邊爐，服務細心到呢～火鍋配料｜高質之選驚喜不斷鮮牛肉：肉味濃郁，大大塊夠晒爽口 肩胛肥牛片：油脂分布均勻，入口即化 oppa魚板＆芝士腸：小朋友至愛，魚板彈牙 鮮蝦雲吞＆韭菜餃：皮薄餡多，蝦肉鮮甜 粉腸＆鵝腸：清洗得乾淨，爽脆冇異味 魷魚：新鮮彈牙，唔會韌 蔬菜方面，蓮藕片、娃娃菜、生菜都新鮮爽脆，打邊爐必備！邪惡收尾｜必食公仔麵！食到尾聲，緊係要整個邪惡公仔麵啦！吸晒雞煲同火鍋精華嘅湯底，煮出嚟嘅公仔麵真係無得頂，忍唔住食咗兩碗⋯總結：荃灣必試高CP放題「至尊雲吞麵雞煲」絕對係荃灣隱世美食，$178就可以任食高質雞煲＋火鍋，仲有任飲罐裝飲品＆奶茶檸茶，服務又細心，環境又舒服，真心推薦！ …查看更多

又黎開荃灣搵食，今次嚟呢間主打雞煲既試下，原來都幾有驚喜。首先講下湯底，我地揀左個藥膳雞煲，藥材香氣十足，仲好香紹興酒味，但又唔會太濃烈，飲落有少少甘甜，夾雜住雞肉嘅鮮味。裡面除咗紅棗、杞子、蟲草花等仲有其他中藥材，飲落暖胃又健康。重點係雞肉真係無限加添😆淨食雞都抵返晒啦！完全唔怕唔夠食，啲雞件都算嫩滑唔鞋，配呢個藥膳湯底，超級夾👍🏻配料方面選擇都幾多，有生菜、芋絲、鴨血、蜂巢豆腐、各種丸類、水餃🥟、雲吞、蟹柳、海帶、肥牛同鮮牛肉，咩都有啲，任君選擇 ，每樣食材都算新鮮 。佢哋仲有啲即食嘅小食，例如炒花甲、秘制招牌鳳爪、麻辣/泰式豬耳仔、炸饅頭、香脆炸豆腐、酥炸鯪魚球等等啦，等緊水滾都可以有野食下 。我地叫左炸饅頭配煉奶，外脆內軟，作為甜點甜甜地收尾一流。總結嚟講，藥膳雞湯底打邊爐，滋補好味，配上無限加雞，夠晒抵食又飽肚，啱晒一班朋友嚟聚會邊食邊傾！仲有仲有，汽水飲品都自取任飲架 ，唔怕水吹呀吹到口乾啦🤣📍 至尊雲吞麵雞煲 (荃灣)荃灣鱟地坊48–68祐建樓地下A號舖#荃灣 #雞煲 #至尊雲吞雞煲 #火鍋…查看更多

天氣凍，今日黎到荃灣嘅至尊雲吞麵雞煲，晚市人均只需$188仲要唔洗加一，就可以任食惹味雞煲加幾十樣火鍋配料，CP值高到爆燈👍🏻👍🏻呢度嘅食法就好簡單但超滿足：一坐低先上招牌「至尊惹味雞煲」，辣度可以自己選擇，真係一上枱已經香到成枱人流口水，醬汁又香又濃，帶少少辣同椒香，但唔會死鹹嗆喉，雞件又滑又入味，食極都停唔到。最正係雞係可以任叫任添，食到你真係覺得夠先收手😆清晒雞煲之後，店員會幫你加湯，原本濃郁惹味嘅雞煲就變成火鍋湯底，雞油同香料完全溶咗落去湯度，用嚟打邊爐一流，越滾越香又唔會覺得膩。火鍋配料選擇都唔少，由鮮牛、肥牛片、豬頸肉、粉腸、鵝腸，到魷魚、魚片、鮮蝦雲吞、韭菜餃，仲有大量丸類、芝士腸同oppa魚板，小朋友嚟都一定有嘢啱食；菜類方面蓮藕、娃娃菜、生菜等都夠新鮮爽脆，齋喺度試晒唔同配料都已經好過癮。以大約$188一位晚市計，可以由惹味雞煲開波，雞件任添任食，再慢慢開爐打邊爐，配料款式多、質素又唔差，再加上坐得舒服、服務又夠貼心，成晚慢慢傾計、慢慢滾，埋單都唔駛二百蚊，真係好難唔推薦畀身邊人。…查看更多

雞煲都算係我數一數二鍾意食嘅火鍋今日經過見到呢間有雞煲食就試下佢 味道我係選不辣，因為辣汁可以另上雞仲可以任添👍🏻味道適中，份量絕對可以，淨係食雞都夠飽🤣我哋仲另外叫咗個小食泰式鳳爪一開頭以為係平時食開嗰啲無骨鳳爪點知原來係細個成日去酒樓食嘅白雲鳳爪好有驚喜，好好味😋…查看更多

🐓晚市雞煲放題最近同朋友喺荃灣食飯，佢推薦呢間至尊雲吞雞煲，一入門就聞到陣陣麻辣香味，令人食指大動🔥🍲 雞煲雞件份量足，醬汁夠惹味，有得揀唔同辣度好似譚仔咁，辣得過癮又唔會太鹹，配埋多款配料任加，打邊爐一流～ 任食CP值高～🧃配料、特飲配料選擇都好多，基本上每樣試晒都好飽。材料都幾新鮮。飲品選擇多，啱晒鍾意清新口感嘅朋友。餐廳仲有啤酒叫， $30一支，抵飲。🏠 環境、服務店內光猛企理，又乾淨；職員有禮又主動，落單快，補料都好快手，整體體驗滿意…查看更多

荃灣有間雞煲放題，平日只需要$188加一，可以任食雞煲邊爐，性價比超高!!🫨一到夜晚好多街坊幫襯，雞煲控唔可以錯過(◍︎•ᴗ•◍︎) ✨至尊惹味雞煲 $188 ★★★★☆雞煲可以選擇唔同辣度，雞件份量好多，而且可以任食任添，餐廳用咗洋蔥、芫荽、雞肉一齊炒，雞件炒得好香好掛汁惹味，但偏多碎骨，食嗰陣要小心🐓✨油炸鬼 ★★★★☆第一次食油炸鬼浸落湯底度，吸曬邊爐湯汁，估唔到有啲驚喜🤣✨炸饅頭 ★★★★★微微外脆嘅炸饅頭，煎得好香，配上煉奶好出色👐🏻✨羅漢果杞子菊花茶 ★★★★☆店舖特色飲品，淡淡嘅菊花茶味，食完熱氣嘢飲番杯，好清熱解膩🤣📍至尊雲吞麵雞煲 (荃灣)荃灣鱟地坊48–68祐建樓地下A號舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚🔅更多餐廳食評歡迎追蹤 𓈒 ˖ ࣪ 𝜗𝜚🔅Follow: @tingyumfoodie_🔅真實食評不作假.ᐟ.ᐟ…查看更多

今日去荃灣搵野食，去鱟地坊呢間「至尊雲吞麵雞煲」😎 雖然鋪頭細細，坐得都算舒服。 好快趣成間舖都坐滿人我哋叫咗個招牌「至尊惹味雞煲」🔥，揀咗小辣。星期一至四$188/人住食放題真係冇得輸！個煲一上枱，嗰陣香味真係撲鼻而來，啲雞件份量好足，而且舊舊都好大件，唔會好似出面有啲舖頭咁得骨多過肉。雞肉食落去非常嫩滑，完全唔會鞋口，個秘製醬汁真係靈魂所在，惹味得黎又帶點麻香！食完雞煲緊係要加湯打邊爐啦！店員姨姨好nice，見我哋食得七七八八就主動幫我地加湯。既然舖頭名叫得做雲吞麵雞煲，我哋專登叫咗雲吞同水餃黎試下。果然無令我哋失望，雲吞皮薄餡靚，入面啲蝦好爽口；水餃就足料飽滿，食得出係自家製嘅誠意，唔係普通急凍貨色🥟！仲有不得不提個炸饅頭，炸到金黃色脆卜卜，點埋煉奶食，邪惡得黎又好滿足。😈最後飲埋杯羅漢果杞子菊花茶🌼，清熱解渴，成個人舒服晒。整體黎講，呢間餐廳無論係味道定服務都好，價錢又貼地，絕對係荃灣嘅晚餐宵夜聚腳好去處！…查看更多

天氣凍 就緊係要食雞煲打邊爐🥰今次揀咗荃灣人氣雞煲 平日嘅晚上都坐滿哂 就知唔知道佢嘅威力星期一至四晚 任飲任食兩個鐘 人頭$188+1 揀自尊雞煲仲可以無限量加雞😋食雞煲前 記得點返個炸饅頭食 即叫即炸 外脆內軟 仲可以揀多奶 超邪惡😍😍兩個辣妹子 爭扎左一輪 最後選擇左大辣🌶️超多辣椒籽 超滿足嘅辣度🥰雞件大大舊 入哂味 愈食愈過癮食夠雞就可以落單配料 加湯 配料選擇都好多 份量好正常 直接跟人頭數比 我全部都係寫「1」 要讚嘅係 有雞子 有豬膶食 仲有薄切嘅蓮藕 唔洗淥到尾先食得飯後甜品又點多兩個饅頭🤭好抵食嘅雞煲打邊爐 性價比超高…查看更多

呢兩日天氣話凍就凍，即刻諗起要食啲暖胃嘅嘢！荃灣呢間「至尊雲吞雞煲」我幫襯開，平日夜晚任食$188加一，而家出邊食個拉麵都百幾蚊啦，真係抵到爛！佢除咗招牌雞煲，仲有酸菜魚、花甲烤魚煲揀，今次凍凍哋，我同朋友就試咗個菜膳雞湯煲，真心正！個煲一上枱，個藥膳香味已經湧過嚟！滾起之後，我急不及待飲咗碗湯，嘩，成個人即刻暖晒！個湯底好清甜，飲到紅棗、杞子嘅味，但唔會好重藥材味，好順喉。啲雞件份量都唔少，煮完都唔會韌，好滑溜，吸晒啲湯精華，好味！講到醬料，佢個自助醬料區基本選擇都有，最特別嘅就係佢有個雞醬！酸酸甜甜帶少少辣，仲有蒜蓉喺裡面，點雞件食真係一流！我同你講，啲雞點咗呢個醬，成個味道昇華晒，我一個人可以KO晒煲裡面啲雞！食完個雞煲（或者飲完個湯），就可以轉打邊爐！$188 任點，真係要食盡佢！· 肩胛肥牛片 & 鮮牛肉：牛味夠，淥兩淥就食得，好嫩滑！· OPPA魚板：韓國街頭風味，煙煙韌韌，好掛湯。· 韭菜餃：隻隻都脹卜卜，韭菜餡好香。· 邪惡公仔麵：食到最尾，點可以唔用個精華湯底淥個公仔麵！係熱量炸彈，但真係超滿足！· 清新之選：萵筍片同蓮藕片爽脆清甜，可以平衡下。· 索汁王：響鈴同生筋必叫！浸三秒，索滿湯汁，食落去爆湯！· 經典搭配：午餐肉煎香少少再落煲，風味更佳。打邊爐最驚口渴？唔使驚！佢哋啲飲品都係任飲，除咗汽水，仲有柚子蜜、檸茶、奶茶呢啲茶記飲品。食到熱辣辣，飲返杯冰凍柚子蜜，爽呀！喺荃灣，百零蚊有交易，有個足料雞湯煲、高質肥牛、咁多款火鍋料同任飲，去邊度搵？呢度環境夠地道，好適合一班人嚟吹水打邊爐。下次轉涼，我一定再嚟encore！…查看更多

天氣開始凍，同好姊妹收工去叫食個晚市雞煲放題，成個人暖笠笠，唔使$200就可以仼飲仼食120分鐘雞煲是一款豐富美味的火鍋組合，呢間出名食雞煲，有唔同嘅辣度可以供選擇，今次就叫咗個BB辣，十分惹味推介的配料有：鮮甜的鮮蝦雲吞、爽口的水餃、彈牙的蟹柳、肥美的肩胛肥牛片、脆口的魚皮餃、酥脆的脆響鈴、清甜的娃娃菜，搭配上熱騰騰的湯底。🫢🫢120分鐘內仲可以任飲豆漿咖啡奶茶檸檬茶及各式汽水！岩晒吹水傾計😃😃📍至尊雲吞麵雞煲📕荃灣鱟地坊48-68號祐建樓地下A號舖…查看更多

坐低後用點餐紙揀湯底配料，原來仲有酸菜魚煲 花甲烤魚煲 藥膳雞湯煲等等，超過10款湯底選擇😍我地揀左至尊惹味雞煲，可以冇限加雞，雞煲黎到已經聞到好惹味，雞件好大件，味道同岀邊食嘅雞煲唔同，唔覺有太重味精，整得好香口肉質又嫩滑😋配料選擇多樣，有肥牛、雞子、韭菜餃、蟹柳唔同嘅丸類！蔬菜都有好多選擇，例如金菇、娃娃菜、粟米、萵筍都新鮮爽口，吸晒雞煲湯底好惹味。全部都好乾淨同新鮮肩胛肥牛片 唔係其他放題咁雪到硬哂，肉質望落係好唔錯，食落有牛味都重炸饅頭一定要趁熱食，外皮炸得香脆又完全唔會油，佈滿煉奶食落超滿足飲品除咗一般汽水之外，仲有羅漢果杞子菊花茶、咖啡、奶茶同豆漿等等，羅漢果杞子菊花茶就夠哂下火👍🏻咁多唔同嘢食平日都只係需要$188/位，用餐時間2個鐘，性價比真係極高😍…查看更多

最近同班friend去咗荃灣呢間「至尊雲吞麵雞煲」撐枱腳，估唔到個兩小時任食雞煲火鍋咁過癮！一坐低就已經聞到隔離枱個雞煲嘅香味，個心即刻「囉囉攣」想快啲開動～佢哋個雞煲同火鍋配料都係任叫任食，最正係連牛肉同豬五花肉都包埋，啱晒我呢啲「食肉獸」呀！個招牌雞煲一上枱就知冇揀錯～醬汁濃得嚟唔會太鹹，啲雞件煮到啱啱好，嫩滑得嚟又掛汁，我同朋友忍唔住加咗兩轉雞！食完雞煲加清湯打邊爐，火鍋配料入面嘅牛肉片油脂花紋靚，輕輕一淖已經好軟嫩；豬五花切得薄薄哋，咬落仲有少少爽口。蟹柳都唔係普通貨色，煮完唔會散收收～最後落個烏冬索晒湯汁，清清哋咁收尾簡直完美！整體嚟講呢度嘅食物質素真係冇得彈，兩個鐘頭慢慢吹水慢慢食，夠晒 relax！下次想同大班人食餐飽嘅，呢度絕對係我嘅口袋名單～…查看更多