喜記避風塘炒辣蟹 (謝斐道)

營業中

休息中

屋企人想食海鮮，今次決定帶佢哋去一間我想食咗好耐而且好出名嘅食海鮮老店👍🏻果然冇失望，環境都幾舒服，長輩們都幾鍾意🤤😍🫶🏻招牌避風塘炒辣蟹同椒鹽特大瀨尿蝦都好出色！◾招牌醉鮑魚外觀金黃，鮑魚肉質飽滿同爽口彈牙，同時又唔會好難咬開。鮑魚又醃得好夠味，食到酒嘅醇香。而且睇得出鮑魚事前清洗得好乾淨👍🏻食得安心。◾招牌避風塘炒辣蟹（大蟹）避風塘令到成道菜嘅辣味、香味、同鑊氣都十足，味道啱啱好，唔會過鹹搞到好頸渴，食得好過癮。大蟹表面呈金黃色，好多肉！🤤肉質好鮮甜亦唔會乾，而且都食得方便🫡◾椒鹽特大賴尿蝦賴尿蝦好肥厚，啖啖肉食得好爽，肉質鮮嫩彈牙，每隻賴尿蝦都充滿椒鹽嘅香氣，推介。◾椒鹽魷魚拼白飯魚魷魚和白飯魚先經過油炸至表面金黃酥脆，然後撈埋椒鹽炒，味道鹹香，口感脆嫩。🥰白飯魚魚肉鮮嫩，完全冇腥味，脆卜卜，一口接一口🤩加埋椒鹽嘅鹹香，鹹度啱啱好，好開胃💖◾瑤柱蛋白炒飯每粒米飯都帶有瑤柱同蛋白嘅鮮香味。炒飯粒粒分明，冇乜油膩感，不經不覺就爬晒啲飯🍚🥺，有營養又好食嘅一道菜。除咗食物新鮮，服務都好好，好有禮貌，值得再黎！