影片
更多
2024-12-23
143 瀏覽
超正壽喜燒專門店，壽兵衛位於銅鑼灣駱克駅，地理位置優越，主打日式和牛壽喜燒，大自大節過嚟慶祝就啱晒！Supreme Wagyu Set $1280，有齊前菜、刺身、蒸物、壽喜燒、主食、甜品。前菜磯煮鮑魚經香濃醬汁煮過，所以軟熟有甜味。水雲醋物酸酸甜甜幾開胃。蟹膏豆腐，上面有一大片蟹膏，味道濃郁。刺身四點赤池魚、大拖羅、帆立貝、赤蝦。海膽和牛紫菜卷左手邊係和牛牛他他混合蘋果碎，上面大大片海膽超超級鮮甜，可以用紫菜包裹住和牛他他，同紫蘇葉混合一齊食😋啖啖鮮甜好好食！和牛他他調味後口感清新不油膩。右邊和牛刺身視覺效果真係一流，已經調味，和牛刺身本身已蘸上酸汁，口感軟滑。穴子茶碗蒸上面有兩片大大片穴子，蛋火候勁好，超級滑易入口。到咗最吸引嘅壽喜燒❤️職員預告咗啲牛會完全熟透，會以粉紅色形態呈上。會有三種牛三種口味！1️⃣牛舌芯牛舌心校厚實咬落去爽口，都幾大片加咗洋蔥做底，上面加上蘿蔔蓉、蔥同淡雪鹽作簡單調味。煎完之後，牛舌心乾爽帶鹹香，食落都幾惹味2️⃣A5和牛肉眼超好食✨✨ A5和牛夠肥所以好香口，壽喜燒有專人幫你煮，五成熟剛剛好，牛味好香好濃好軟滑，牛肉本身沾有壽喜燒汁甜甜地再點廣島黃雞蛋，配珍珠米
前菜
磯煮鮑魚經香濃醬汁煮過，所以軟熟有甜味。
水雲醋物酸酸甜甜幾開胃。
蟹膏豆腐，上面有一大片蟹膏，味道濃郁。
刺身四點
赤池魚、大拖羅、帆立貝、赤蝦。
海膽和牛紫菜卷
左手邊係和牛牛他他混合蘋果碎，上面大大片海膽超超級鮮甜，可以用紫菜包裹住和牛他他，同紫蘇葉混合一齊食😋啖啖鮮甜好好食！和牛他他調味後口感清新不油膩。右邊和牛刺身視覺效果真係一流，已經調味，和牛刺身本身已蘸上酸汁，口感軟滑。
穴子茶碗蒸
上面有兩片大大片穴子，蛋火候勁好，超級滑易入口。
到咗最吸引嘅壽喜燒❤️職員預告咗啲牛會完全熟透，會以粉紅色形態呈上。會有三種牛三種口味！
1️⃣牛舌芯
牛舌心校厚實咬落去爽口，都幾大片加咗洋蔥做底，上面加上蘿蔔蓉、蔥同淡雪鹽作簡單調味。煎完之後，牛舌心乾爽帶鹹香，食落都幾惹味
2️⃣A5和牛肉眼
超好食✨✨ A5和牛夠肥所以好香口，壽喜燒有專人幫你煮，五成熟剛剛好，牛味好香好濃好軟滑，牛肉本身沾有壽喜燒汁甜甜地再點廣島黃雞蛋，配珍珠米😍
3️⃣A4和牛西冷
油份冇咁重，食得舒服輕盈，油脂紋理更鮮明，超香牛味，肉香重。配皇帝菜食好夾味！
黑松露和牛炒烏冬
師傅首先落咗大量黑松露落鑊，再配咗和牛牛粒粒炒熱，再落烏冬。師傅炒得均勻每一條烏冬都沾上黑松露，味道香濃，超豐富，食完真係好飽✨
甜品
靜岡蜜瓜灰雲呢拿雪糕，靜岡蜜瓜清清甜甜，食完油脂感十足嘅牛肉就最啱。
📍 壽兵衛 - 壽喜燒專門店 (銅鑼灣)
銅鑼灣銅鑼灣駱克道487-489號駱克駅12樓
張貼
