賀天

營業中

休息中

最近同朋友去咗將軍澳南間賀天，真係有驚喜！佢哋依家指定日子做緊壽司串燒買一送一優惠，超級抵食，朋友好鍾意食串燒都唔使就住就住食。串燒一定要試牛舌，燒得啱啱好，唔會韌，入口仲有啲肉汁，買一送一之後個價錢超級吸引，食完再encore，推介！ 蒲燒白鱔都唔錯厚切啲，燒得香口又冇腥味。 有啲素嘅選擇都唔錯，好似小甜番薯，小粟米都係燒到皮脆脆、入面好甜。 蘆筍安格斯牛肉卷，牛肉包住蘆筍，咬落去又有肉香又有菜嘅清新感，估唔到有幾夾。軟殼蟹手卷蟹夠大隻又脆，啲紫菜包得好緊實，唔會一咬就散晒。日本帆立貝海膽盛盒配有漬物同味噌湯真心豐富，有蟹肉沙律、帆立貝、海膽、魚籽，啲海膽份量都唔少，識落新鮮唔腥，好滿足。東京時令手握十本壽司配有松葉蟹肉茶碗蒸，日本麻醬沙律味噌湯有三文魚、帆立貝、海膽、拖羅、火炙左口魚邊、天婦羅蝦壽司等等，每一件都好新鮮，賣相又靚，最鍾意就係拖羅壽司啦，入口即溶。賀天價錢合理，食物選擇多，又有買一送一優惠，CP值爆燈。下次會再約朋友去。