宴．鐡板燒 (亨環‧天后)

營業中

休息中

季節前菜三點京都豆腐栗子(右下)，蟹肉拼沖繩水雲(左下)，鮟鱇魚肝鱈魚片。上菜既時候師傅會介紹食材同埋食法，豆腐豆味濃郁，中和咗栗子既甜味，蟹肉鮮甜，水雲酸酸地好開胃，鮟鱇魚肝用咗慢煮既方法烹調，口感軟滑，味道香濃。白松露油櫻花鯛魚薄切每一片都厚薄適中，配以白松露油，再灑上淡雪鹽，味道好有層次大池魚壽司同鰈魚壽司食材非常新鮮，鰈魚都灸燒得岩岩好，油香十足野生生猛龍蝦師傳先煎香龍蝦，然後起肉用龍蝦膏炒熟，口感爽口彈牙，味道惹味。三文魚籽配北海道帆立貝帆立貝兩邊煎到岩岩好，三文魚籽餐廳自家醃製，甜甜地幾好味。美國牛柳、牛肉卷可以配以鹽、洋蔥、炸蒜片等，牛肉juicy最後仲有櫻花蝦炒飯、炒什菜、魚湯同埋抺茶布甸，十分滿足。