影片
更多
2024-08-21
38 瀏覽
喬居酒屋真係一間隱世嘅好地方，位於太子花園街嘅小巷入面，環境好有日本居酒屋嘅feel。今次試咗幾款菜式，真係每款都好有驚喜！前菜係牛蒡煮牛小排，味道好濃郁！仲有個醃蘿蔔係佢哋自己用柚子醋醃架～大讚！美國牛小排，肉質結實但又唔會太硬，燒得啱啱好，入口即溶，真係好滿足。黑毛豚肉五花腩，肥瘦適中，燒到外脆內嫩，食落去好juicy，完全唔會覺得油膩。雞軟骨真係好適合做小食，啲雞肉仲係好嫩滑架～配埋啤酒一流。吉列廣島蠔外層炸得金黃香脆，內裡嘅蠔肉鮮甜多汁，好正。蒜香燒茄子同出要嘅燒茄子唔同，因為冇落太多調味同配料，齋食味道就比較清，但點埋附送嘅醬汁食，咸味就剛剛好，仲提升咗茄子本身嘅鮮甜味。日式炸白蝦仔外層脆卜卜，充滿鈣質😆好適合做下酒菜！牛舌芯燒得超香，肉質厚實又有啲彈牙，真係好好食。明太子飯團外層燒成飯焦脆，內裡飯粒軟糯，配埋明太子嘅鹹香味都真係幾高質！隔離枱仲食完再叫一份～燒雪魚干好香呀～～薄薄一條充滿魚香味，點埋醬食更滋味。蒜香牛肉蔥卷係要配埋下面嘅蘋果片一齊食嘅～牛肉嫩滑，配埋蔥香，再加埋甜甜嘅蘋果片，食落層次豐富～咸甜恰到好處～而且牛肉仲勁Juicy(◍︎´꒳`◍︎)
喬居酒屋真係一間隱世嘅好地方，位於太子花園街嘅小巷入面，環境好有日本居酒屋嘅feel。今次試咗幾款菜式，真係每款都好有驚喜！
前菜係牛蒡煮牛小排，味道好濃郁！仲有個醃蘿蔔係佢哋自己用柚子醋醃架～大讚！
美國牛小排，肉質結實但又唔會太硬，燒得啱啱好，入口即溶，真係好滿足。
黑毛豚肉五花腩，肥瘦適中，燒到外脆內嫩，食落去好juicy，完全唔會覺得油膩。
雞軟骨真係好適合做小食，啲雞肉仲係好嫩滑架～配埋啤酒一流。
吉列廣島蠔外層炸得金黃香脆，內裡嘅蠔肉鮮甜多汁，好正。
蒜香燒茄子同出要嘅燒茄子唔同，因為冇落太多調味同配料，齋食味道就比較清，但點埋附送嘅醬汁食，咸味就剛剛好，仲提升咗茄子本身嘅鮮甜味。
日式炸白蝦仔外層脆卜卜，充滿鈣質😆好適合做下酒菜！
牛舌芯燒得超香，肉質厚實又有啲彈牙，真係好好食。
明太子飯團外層燒成飯焦脆，內裡飯粒軟糯，配埋明太子嘅鹹香味都真係幾高質！隔離枱仲食完再叫一份～
燒雪魚干好香呀～～薄薄一條充滿魚香味，點埋醬食更滋味。
蒜香牛肉蔥卷係要配埋下面嘅蘋果片一齊食嘅～牛肉嫩滑，配埋蔥香，再加埋甜甜嘅蘋果片，食落層次豐富～咸甜恰到好處～而且牛肉仲勁Juicy(◍︎´꒳`◍︎)
張貼
