炑八韓烤 (荃新天地2)

營業中

休息中

肥雞行開荃灣， 原來荃新天地有炑八， 佢呢期做緊一個叫做無法抗拒釜山海之物套餐， 價錢仲要唔貴498包兩杯飲品， 鍾意試新嘢嘅肥雞又點會錯過。 佢嘅套餐包括新鮮嘅鰻魚同埋八爪魚， 海產鰻魚真係冇得輸， 燒得焦香嘅魚脂肪配埋香趣嘅魚皮， 再點少少海鹽， 真係成個大海系口中。 佢嘅八爪魚系有醃過， 配埋豆瓣醬，酸甜香辣嘅感覺非常之夾。至於肉類方面， 有雞肉醃好咗嘅豬五花韓牛同埋醃好咗個豬皮， 韓牛油脂非常之平均， 點少少海鹽成個口都係濃濃嘅肉香味。 燒到豬皮焦香， 一半系彈牙嘅口感， 感覺好得意。 當然食親呢啲韓國餐一定唔少得佢嘅小菜系列， 佢嘅泡菜醃得唔辣，非常適合香港人嘅口味。