影片
更多
2023-04-20
57 瀏覽
浜滝日本居酒屋,地址喺九龍城福佬村道59號地下。呢間居酒屋係我食過最好味,感覺最舒服。餐廳嘅裝修充滿日式風情,餐廳雖然唔大,但係空間感都好足夠,店員非常有禮貌又有親切感,喺度食嘢感覺真係好正到舒適。呢度嘅餐牌係日本大廚親自書寫,為求每一個細節都做到自己嘅風格,盡善盡美,食材都係喺大阪由日本廚師直接落單寄香港,保證係時令,最新鮮最特別。首先點咗支清酒,清酒都係由佢哋自家造酒廠製造,藏人之夢,全部人手製作味道甘香清純,果香味停留口中,好適配刺身。鯛魚白子黑魚籽,入口柔滑順口完全沒有腥味,一經咀嚼鮮味爆發,口感非常細膩。鳥取直送仙劍魚腩,劍魚腩非常新鮮,老闆介紹呢個魚腩係食個口感,同埋油脂嘅香味,入口味道鮮甜,魚油香味慢慢滲出,非常好食。味辛黑梅螺,配自家製柚子酸汁,螺肉爽口彈牙,味道鮮甜,用昆布煮唔需要其他調味,味道極鮮甜,配埋個醬汁有少少辣味,令到個鮮味更加突出。日本燒鵝肝,鵝肝size好大,入口甘香柔順,入口即溶,完全唔會有油膩感,鵝肝配青酒味道真係好夾,完全將個香味突出。鹽燒萬願寺唐辛子,唐辛子味道爽甜帶少少辣味,入口有少少鹽香,非常香口。原條深海池魚刺身,池魚肉質爽甜,入口味道鮮香
餐廳嘅裝修充滿日式風情,餐廳雖然唔大,但係空間感都好足夠,店員非常有禮貌又有親切感,喺度食嘢感覺真係好正到舒適。
呢度嘅餐牌係日本大廚親自書寫,為求每一個細節都做到自己嘅風格,盡善盡美,食材都係喺大阪由日本廚師直接落單寄香港,保證係時令,最新鮮最特別。
首先點咗支清酒,清酒都係由佢哋自家造酒廠製造,藏人之夢,全部人手製作味道甘香清純,果香味停留口中,好適配刺身。
鯛魚白子黑魚籽,入口柔滑順口完全沒有腥味,一經咀嚼鮮味爆發,口感非常細膩。
鳥取直送仙劍魚腩,劍魚腩非常新鮮,老闆介紹呢個魚腩係食個口感,同埋油脂嘅香味,入口味道鮮甜,魚油香味慢慢滲出,非常好食。
味辛黑梅螺,配自家製柚子酸汁,螺肉爽口彈牙,味道鮮甜,用昆布煮唔需要其他調味,味道極鮮甜,配埋個醬汁有少少辣味,令到個鮮味更加突出。
日本燒鵝肝,鵝肝size好大,入口甘香柔順,入口即溶,完全唔會有油膩感,鵝肝配青酒味道真係好夾,完全將個香味突出。
鹽燒萬願寺唐辛子,唐辛子味道爽甜帶少少辣味,入口有少少鹽香,非常香口。
原條深海池魚刺身,池魚肉質爽甜,入口味道鮮香,比一般嘅刺身更加爽口,魚油香味更加突出。
松露芝士醬燒珍寶虎蝦,呢個簡直係極品,芝士松露燒到金黃色,上面仲有啲魚籽突出個鮮味,蝦膏味道甘香,蝦肉爽口彈牙,燒到啱啱好肉質仲係好嫩滑。
最後點咗個塘牛制霸拉麵,拉麵加咗火山石上枱時仲係滾緊,麵質爽口彈牙湯底香濃,雖然有啲飽都忍唔住飲曬成個湯。
張貼
