牛霸王

營業中

休息中

⭐️手打和牛漢堡扒丼飯用雪花紋等級高嘅澳洲黑金和牛剁成，絕對唔係蒸肉餅實滴滴嗰種，係比較鬆散軟滑嘅口感，入口即化！蘭王蛋視覺效果滿分，秘製汁香味濃郁，揀咗日式泡菜做topping，唔會辣到搶咗漢堡扒嘅風頭。⭐️濃茄野菌燉牛肋肉飯牛肋肉軟腍得嚟有嚼口，筋脂肉比例1:1:2，而野菌切塊大小啱啱好容易入口，茄汁味道清甜，冇錯係溶咗好多好多蕃茄落去，並非加茄膏或茄醬甜到出口水嘅味，一啲都唔hea，好少出街食到唔勾芡嘅汁撈飯，又做到咁濃郁，值得比like！⭐️日式胡麻沙律（大）蕃茄仔同啲菜都好新鮮，份量足夠。⭐️甘栗紫薯餅見到栗子覺得唔會差得去邊，果不其然同紫薯味道夾，炸皮香脆，值得加嘅小食。