巴辣仔烤魚

營業中

休息中

餐廳環境坐得舒適，明亮光猛，大部份座位都係卡位設計，私隱度較高。沙巴龍躉烤魚＋醬香味（不辣）醬香味唔辣又唔會太鹹，佢係類似豆瓣醬嘅味道，沙巴龍躉肉質比較結實，魚味較濃郁，條魚都好大條，幾個人分享都足夠。黄金組合 呢個黃金組合入邊有四款蔬菜 金菇，萵筍，土豆，蓮藕，每款都好適合烤魚，因為佢哋每款都好吸湯汁。燒五花肉小串 (走辣/BB辣） 佢嘅小船係一口一串嘅份量，燒完之後五花肉嘅脂肪香，同佢上邊嘅香料味粉好夾，好香口，但係BB辣其實都幾辣，唔食得嘅朋友走辣就好啲。1664白啤 （330m1/樽）滿杯紅柚惑呢度飲品嘅價錢唔貴，啤酒或者特飲都有得揀，呢一杯紅柚得飲幾好飲，酸酸甜甜咁，食辣嘢配上一杯咁嘅清涼嘢飲就正。冰粉餐廳裏邊有個自助吧，嗰度有冰粉菊花茶等等俾大家自己去拎，雖然啲冰粉係送嘅，但係佢啲配料種類都好多，識得一讚。