京都薈

營業中

休息中

京都薈雖然定性為區內小店，但裝修都幾大氣，可能因為新啦，睇落又幾順眼，坐落又幾舒服，連侍應同部長既服務態度都唔錯。叉燒皇 - 叉燒都整得幾好食，半肥瘦，食起黎又幾多肉汁，唔會覺得乾，底有豉油，需亦有蜜汁，又香又甜，系差碗白飯撈住食蒜片安格斯牛柳粒 - 呢道菜整得好惹味，連洋蔥同菇都充滿黑椒同蒜香，配菜都食曬甘濟。而牛柳粒牛味香之餘，同黑椒香相映照，非常惹味。另外，肉質又幾幼嫩，十分推介!碧綠炒帶子蚌片 - 其實碧綠就即系西芹，炒出黎系幾靚既，同一般酒宴果啲碧綠炒帶子差唔多。淨系原粒帶子都是有七至八粒，加埋蚌片成道菜矜貴左唔少，味方面剛好，仲有配蠔油。蒜蓉粉絲蒸蟶子皇 - 有如其名，用左適量既蒜蓉同粉絲一齊蒸，系坊間最常見既方法，用蒜香黎提鮮冇難度，蟶子厚肉，而且仲幾鮮甜同爽口彈牙，蒸煮既時間岩岩好。