影片
更多
2019-10-01
1484 瀏覽
香港人冬天打邊爐，夏天又打邊爐，就好像有種魔咒般，總會忽然忍不住想食。其實筆者同大家一樣，對打邊爐亦情有獨鍾。早前瀏覽網站，留意到旺角兆萬新開咗間叫「點鍋」嘅火鍋放題店。餐廳除了有多款特式人氣湯底供應之外，新張期內惠顧，仲會有折扣優惠。另外每檯均奉送海鮮拼盤及頂級牛頸脊各一客，睇落都幾吸引，所以趁假期前夕，決定兩口子來撐檯腳。餐廳頗寬敞，而且裝修比一般放題店有心思，環境光猛舒適，除了有大量卡位外，店內還設有一列長長的沙發座，挺適合一大班朋友來聚餐。入座後先點湯底，嘩！店裡的湯鍋，選擇果然豐富，有成十多款，而且湯底都幾特別，如喇沙海鮮、杏汁木瓜雞腳、黑松露雜菌鍋等。至於火鍋料方面，項目亦不少，有精選肉類、手打丸類、自家製餃類、海鮮類、自家製油炸、配料、豆腐製品類、粉麵類、蔬菜、菇菌類、小食及福袋等。我哋揀咗蟲草花雞，趁湯底未上，先外出混醬，單是醬油配料就已經有成 10 幾款，陣容鼎盛。至於自助飲品方面，選擇亦不少，除了罐裝汽水之外，另外仲有餐廳自家製的洛神花、水果茶等。返回座位後，蟲草花雞湯底同贈送的海鮮拼盤及頂級牛頸脊都已經送上。湯底用料豐富，內有蟲草花、雞件、淮山、黨參、芹菜、紅棗等
香港人冬天打邊爐，夏天又打邊爐，就好像有種魔咒般，總會忽然忍不住想食。其實筆者同大家一樣，對打邊爐亦情有獨鍾。早前瀏覽網站，留意到旺角兆萬新開咗間叫「點鍋」嘅火鍋放題店。餐廳除了有多款特式人氣湯底供應之外，新張期內惠顧，仲會有折扣優惠。另外每檯均奉送海鮮拼盤及頂級牛頸脊各一客，睇落都幾吸引，所以趁假期前夕，決定兩口子來撐檯腳。
餐廳頗寬敞，而且裝修比一般放題店有心思，環境光猛舒適，除了有大量卡位外，店內還設有一列長長的沙發座，挺適合一大班朋友來聚餐。
入座後先點湯底，嘩！店裡的湯鍋，選擇果然豐富，有成十多款，而且湯底都幾特別，如喇沙海鮮、杏汁木瓜雞腳、黑松露雜菌鍋等。至於火鍋料方面，項目亦不少，有精選肉類、手打丸類、自家製餃類、海鮮類、自家製油炸、配料、豆腐製品類、粉麵類、蔬菜、菇菌類、小食及福袋等。
我哋揀咗蟲草花雞，趁湯底未上，先外出混醬，單是醬油配料就已經有成 10 幾款，陣容鼎盛。至於自助飲品方面，選擇亦不少，除了罐裝汽水之外，另外仲有餐廳自家製的洛神花、水果茶等。
返回座位後，蟲草花雞湯底同贈送的海鮮拼盤及頂級牛頸脊都已經送上。湯底用料豐富，內有蟲草花、雞件、淮山、黨參、芹菜、紅棗等，味道非常清甜，帶淡淡菇菌香。
海鮮拼盤：海鮮以乾冰墊底，上檯時仙氣十足，盤上共有四款海鮮，貴妃蚌既爽滑又有嚼頭；海蝦爽口彈牙、蜆隻很乾淨，食落無沙，入口清甜爆汁。星斑魚片鮮甜肉厚，肉質細緻，灼一灼就即刻食得。
另外頂級牛頸脊味道亦不俗，牛肉油花極多，只需涮一涮，涮至變色便可。牛肉入口即化，肉質細嫩軟腍，充滿脂香。
至於其他火鍋配料方面，我哋就揀咗黑毛豬腩片、梅菜豬肉丸、蝦丸、鮮蝦水餃、松露蝦蟹餃、酥炸油炸鬼、炸午餐肉、滑牛片、星斑片、脆骨腩、即炸手工紫菜響鈴卷、金沙鹹蛋炸魚皮、蓮藕片、台灣香菇丸、鮮冬菇、生根、菠菜、台灣麻吉湯圓等。豬腩片肉味非常濃郁、水餃皮薄饀靚又多料，粒粒都有番咁上下份量。
魚皮新鮮即炸，每一片都均勻地沾滿鹹蛋黃，食落又薄又香脆，而且調味亦剛好，不會死鹹。另外台灣麻吉湯圓亦非常值得推介，湯圓皮頗為煙韌，花生餡混入了花生碎及糖粒，咬落微微脆，香滑起沙，口感十分豐富。總括來說，這火鍋店水準不俗，店員態度好之餘，食物亦有質素，而且火鍋料選擇勁多，值得向其他友人推薦。
張貼
