漢發麵家 (大南街)

營業中

休息中

聽人講識食豬膶嘅一定係食厚切嘅豬膶。自問唔係好鍾意食豬潤，但近年人大左開始轉左啲口味，會試吓食豬膶。因為同朋友講起另一間食豬潤既老字號，果度既做法係薄切既，朋友就話我唔識食，並且推介我嚟咗呢間漢發麵家。佢嘅豬潤真係好大塊好厚，賣相好吸引。係爽口嘅，感覺就好似咬落去啲白色魚蛋嘅感覺咁，而入邊係棉質，對於我呢啲唔係好鍾意食豬膶嘅人來講，嗰陣豬潤味太濃烈，當然鍾意食豬膶嘅人就當然覺得好正，不過我就唔係好接受到啦。純粹唔啱個人口味。*午餐肉超正！！個面一上我就試咗一啖湯，原本以為係出前一丁嘅麻油公仔麵味，但之後先發現原來啲麻油香味係源自塊午餐肉。用麻油煎香脆，食完個面先再食塊五餐肉都仲食到脆口。出面食親都係白烚，所以真係好驚喜！炒牛都唔錯。呢個西多士係因為落單嘅時候佢話製作需時，冇得加單，引到我地叫埋，賣相唔錯，不過味道我覺得麻麻地，因為佢厚但做唔到好脆身既感覺。變左好似食包咁..