Amitie Kitchen

營業中

休息中

人氣小店果然有實力，食物質素味道都有水準，而且價錢經濟，地方唔算大座位有限事前book定位會更好。餐包奉送三款餐包都唔錯，提子包鬆軟多提子，麵包條脆卜卜，配埋牛油果醬食幾好。火炙加拿大海膽芝士焗松葉蟹膏大啡菇 $88賣相吸引，芝士加海膽加蟹膏味道好夾咸香美味，芝士底仲有少許洋蔥碎、黃椒碎、紅椒碎食落多份口感，厚厚的大啡菇軟身彈牙好味，都算幾抵食。自家製美式黃金蟹餅 $148蟹餅有誠意用料有十足的蟹肉，蟹餅表面煎得香口，內裡絲絲蟹肉仲有少少咸蛋黃，超鍾意。蒲燒特長鰻魚流心意大利飯 $238原條鰻魚有驚喜十二吋長五吋闊，大得誇張望見滿足。魚肉肥美軟腍，鰻魚底原來有流心蛋漿，撈意大利飯一流，非常美味。