影片
更多
2023-02-26
278 瀏覽
我係元朗人,但都鐘意四圍去食嘢,特別鍾情於西餐同埋日本菜,所以會周圍去試唔同嘅嘢Jep係一間我由疫情開始幫襯,到今日都冇退步嘅餐廳,而且有時會有啲新嘗試嘅菜式,會令我keep住去見到有啲食評話佢哋服務態度唔好,但我又唔係好覺,都唔錯呀,佢哋絕對唔係企鵝(佢係度唔做野)起碼見到冇水會斟水,食完啲碗碟會收返,而且好有禮貌,所以我對服務態度唔好嘅食評有啲不解🤣🤣🤣🤣🤣🤣🤣1)餐包老實啲講句,佢哋嘅麵包係出色過銅鑼灣店,夠熱,而且係烤得好鬆軟,但重點在於牛油,留返啲懸念,大家親身去食先知有幾好食2)米蘭式炸牛肚雖然牛肚係港式嘅食品,但係用意識嘅方法去整,估唔到有幾好食,幾夾,炸粉好薄身,牛肚香口,配埋檸檬汁,係真係好夾,雖則我唔鍾意食熱氣嘢,但都覺得好食3)昆布蜆湯我每次嚟,一定會叫嚟飲,因為真係好鮮甜,而且佢哋係用新鮮蜆去整,正到我每次嚟都會叫4)紅蝦意粉咀尖嘅我最鍾意西班牙紅蝦,無他,因為真係好好食,呢度嘅紅蝦意粉絕對冇令我失望,識整紅蝦嘅廚師都知道,一定唔可以將佢哋整到全熟,如果唔係啲蝦會霉,Jep都唔例外,紅蝦好食,但我覺得個重點係喺蝦汁同埋個意粉身上,蝦汁係鮮甜到令我覺得好似飲咗一啖
Jep係一間我由疫情開始幫襯,到今日都冇退步嘅餐廳,而且有時會有啲新嘗試嘅菜式,會令我keep住去
見到有啲食評話佢哋服務態度唔好,但我又唔係好覺,都唔錯呀,佢哋絕對唔係企鵝(佢係度唔做野)起碼見到冇水會斟水,食完啲碗碟會收返,而且好有禮貌,所以我對服務態度唔好嘅食評有啲不解🤣🤣🤣🤣🤣🤣🤣
1)餐包
老實啲講句,佢哋嘅麵包係出色過銅鑼灣店,夠熱,而且係烤得好鬆軟,但重點在於牛油,留返啲懸念,大家親身去食先知有幾好食
2)米蘭式炸牛肚
雖然牛肚係港式嘅食品,但係用意識嘅方法去整,估唔到有幾好食,幾夾,炸粉好薄身,牛肚香口,配埋檸檬汁,係真係好夾,雖則我唔鍾意食熱氣嘢,但都覺得好食
3)昆布蜆湯
我每次嚟,一定會叫嚟飲,因為真係好鮮甜,而且佢哋係用新鮮蜆去整,正到我每次嚟都會叫
4)紅蝦意粉
咀尖嘅我最鍾意西班牙紅蝦,無他,因為真係好好食,呢度嘅紅蝦意粉絕對冇令我失望,識整紅蝦嘅廚師都知道,一定唔可以將佢哋整到全熟,如果唔係啲蝦會霉,Jep都唔例外,紅蝦好食,但我覺得個重點係喺蝦汁同埋個意粉身上,蝦汁係鮮甜到令我覺得好似飲咗一啖海水咁樣,充滿海洋氣色,呢個都係歸功於蝦頭同埋蝦殼嘅功勞,如意粉掛汁亦好犀利,冇嘢講,食到舐舐脷
對餐廳嘅建議:
1)如果有得收信用卡就好
2)希望可以嘗試下整多啲,有關海鮮又唔係炸嘅頭盤(私心)😊
張貼
