辣辣屋

營業中

休息中

今日朋友生日，同佢去附近行完街就約埋佢屋企人一起出黎食晚飯，朋友見到餐牌話好多小菜都好想食，跟住拎起支筆劃唔停，我就無眼睇放心交比佢拍板，交左單之後唔洗十分鐘，兩大Jar水果茶放到枱上，800ml份量，So Big,兩者分別係Signature水果茶同凍檸檬八香果。Signature水果茶橙汁味濃兼有多種鮮水果係當中，檸檬八香果就茶味較濃有檸檬同八香果籽係當中，店員比左幾隻杯我地分黎飲。食物開始陸陸續續上枱，第一款小食口水雞：雞肉嫩滑，辣度適中，每舊都唔係好大件，方便咬黎食，雞肉下伴隨爽口青口，非常開胃。泰式酸辣鳳爪：望落都跟足泰式配方製作，酸辣度適中，用左無骨鳳爪，骨都唔啜。 韓式炸魷魚鬚：食落唔係10分辣，脆薄薄，炸得剛剛好,小朋友都好鐘意搶住食。 泰北雞肉串：微辣，每塊雞肉都可以一口一啖，肉質實正。水牛城雞中翼：燒到金黃色非常吸引，面層充滿蜜糖，肉質嫩滑野味。 忌廉芝士雞翼：咬落creamy,芝味無窮，油香四溢。燒豬頸肉：微焦兼爽口，食左幾塊都唔覺膩。