鳴虎 (東港城)

營業中

休息中

黎到東港城想搵d日式野食下，由其係拉麵，一search就見到呢間嗚虎望落都幾吸引，就決定去試下。餐廳係一田超市入面，座位唔多，但係可以睇到師傅係度泡製緊拉麵，令等既時候更加期待。 鳴虎拉麵 湯底係魚乾豬骨味，食落木魚味同豬骨味為主，叉燒係半肥瘦果種，食落脂香味十足，而溏心蛋係有特別滷過，所以食落除左有蛋香之外仲有陣淡淡既滷味。 鳴海老拉麵 鳴海老其實就係蝦味噌豬骨湯底拉麵，湯底既蝦味十分出，上面再加埋櫻花蝦，真係每一啖都好重蝦味，再配埋佢地既叉燒同溏心蛋，成件事真係好似返左日本咁。 鳴虎炸雞 呢個日式炸雞炸得又香又脆，而且炸粉唔厚，食落去啖啖都係雞，調味都幾好。