癡膠雞 (軒尼詩道)

營業中

休息中

醉雞米線不嬲都係我至愛，去襯米線舖都必嗌！今次就去左一間出名食花膠雞湯米線嘅舖頭試！我就嗌左黃酒藥膳花膠雞湯米線，好驚喜嘅係佢係連煲上，個火keep住滾個湯，成件事好打卡able加暖笠笠🤣不過差唔多時間要整熄個火，唔係嘅話啲米線就會煮得太腍🤣先講個湯一上枱其實已經聞到好明顯嘅藥膳同黃酒嘅香氣，一放入口，成個湯味道好平衡，有明顯嘅雞味而藥膳味又唔會冚住個雞味，加埋黃酒嘅香氣，飲完真係好舒服，所以我都忍唔住飲晒成碗湯😋而啲雞件個肉都唔會好嚡身，仲要保留有雞味，好食！而花膠質地都唔錯，唔會話係啲好劣質嘅嗰種。 食完成個米線成個人都滿足，如果係冬天食應該會仲開心。