Add Some Thai Restaurant

營業中

休息中

講左好耐，終於等到有人升職，請食飯，有人揀去到呢間餐廳食，話想試好耐，咁應該都好唔錯既。。。去到餐廳，首先要讚既係佢的裝潢，富東南亞色彩，入到去就令人心情愉快，好放鬆。有人請食﹐當然唔同佢客氣，叫左好多野食，多到我都唔記得叫咩名啦，大家睇相啦 無骨鳳爪，開胃前菜，爽口彈牙，帶微酸，非常開胃，好味到要配給，無得食多啲海南雞，嫩滑，配菜蝦餅應該係即炸，所以好好食，有啲妹仔大過主人婆的感覺，由於食晚啲餸都好好味，所以略顯海南雞普普通通，但正常發揮，都好食的各類串燒，燒得有點太乾，不太分得出各款肉類，不過點左醬就會好好多，算係成晚稍為失色的一碟，但都OK，可接受的咖喱軟殼蟹，好味，仲有叫多個薄餅，食盡佢個汁馬拉盞通菜，好味，略嫌份量唔夠菠蘿炒飯﹐不過不失，好少見到會有咁多咁大隻蝦重點推介：鹹蛋黃大蝦，平時果啲話就話黃金蝦，但食落完全無鹹蛋黃味，呢個真心香，重鹹蛋黃味，又香脆，黎呢到一定要試最後甜品，大部份都正正常常，最值得講的就係佢個棷汁雪糕，好重椰子味，勁香，又係一個我食完想再食多幾球的雪糕，必食推介總結：食左幾錢就唔知啦（但應該係合理價錢），但食物質素味道都唔會令人失望，絕對值得推介。